ვორკშოპი ილიაუნიში: „ქანების წარმოქმნიდან დეგრადაციამდე – თანამედროვე ტექნოლოგიები გეოლოგიური სტაბილურობის კვლევისთვის კლდის ძეგლებზე“

4-5 მაისს ილიას სახელმწიფო უნივერსიტეტის ტექნოლოგიების კორპუსის 102 დარბაზში (T102 აუდიტორია) Erasmus+ Ka107 პროექტის ფარგლებში, რომელიც გულისხმობს ფლორენციის უნივერსიტეტსა (DST-UNIFI) და ილიას სახელმწიფო უნივერსიტეტს შორის სამეცნიერო-კულტურულ თანამშრომლობას იტალიის გარემოს დაცვისა და კვლევის ინსტიტუტთან (ISPRA) ერთად, გაიმართება ვორკშოპი „ქანების წარმოქმნიდან დეგრადაციამდე – თანამედროვე ტექნოლოგიები გეოლოგიური სტაბილურობის კვლევისთვის კლდის ძეგლებზე“.

სემინარებს გამართავენ ილიას სახელმწიფო უნივერსიტეტის პროფესორები – მიხეილ ელაშვილი და დავით ჩხაიძე; ფლორენციის უნივერსიტეტის პროფესორები – რაფაელო ჩიონი და კარლო ალბერტო გარძონიო, მკვლევრები – დოქტორი უილიამ ფროდელა და ტერეზე სალვატიჩი, იტალიის გარემოს დაცვისა და კვლევის ინსტიტუტის მკვლევარი, დოქტორი დანიელე სპიციქინო.

განრიგი

4 მაისი, ხუთშაბათი

• 10:00-11:00 პროფ. რაფაელო ჩიონი – „პიროკლასტური და ვულკანოკლასტური ნალექები; სედიმენტოლოგიური მახასიათებლები, ფორმირებისა და განფენის პროცესები“;
• 11:00-12:00 პროფ. კალო ალბერტო გარძონიო, დრ. ტერეზე სალვატიჩი – „ქვის მასალის ანალიზი და დიაგნოსტიკა კონსერვაცია-რესტავრაციისთვის, ტოსკანის ისტორიული შენობების გამოცდილება“;
• 12:00-13:00 დრ. უილიამ ფროდელა – „კრუდენისა და ვარნერის (1996) მეწყრული პროცესების კლასიფიკაცია”;
• 13:00-14:00 დრ. უილიამ ფროდელა – „ინფრაწითელი თერმოგრაფიის გამოყენება კულტურული მემკვიდრეობის საიტების კონსერვაციისთვის”.

5 მაისი, პარასკევი

• 10:00-11:00 დრ. დანიელე სპიციქინო – „საქართველოს კლდის ძეგლების კონსერვაციისა და საფრთხეების მიტიგაციის პრობლემები“;
• 11:00-12:00 დრ. ტერეზა ნოლესინი – „არასტაბილური ვულკანური ფერდობების მონიტორინგი სახმელეთო ბაზირების რადარული ინტერფერომეტრიის გამოყენებით. იტალიის მაგალითები”;
• 12:00-13:00 დრ. დავით ჩხაიძე – „გარემოს კომპლექსური მონიტორინგის სენსორების ქსელი კულტურული მემკვიდრეობის ძეგლების კვლევა-მონიტორინგისთვის“;
• 13:00-14:00 პროფ. მიხეილ ელაშვილი – „გლობალური კლიმატის ცვლილების გავლენა კლდეში ნაკვეთ კულტურული მემკვიდრეობის ძეგლებზე, კვლევები საქართველოდან“.

ვორკშოპის დეტალური განრიგი

დრო: 4-5 მაისი, 10:00-14:00 საათი
სამუშაო ენა: ინგლისური
ადგილმდებარეობა: T102 აუდიტორია, ილიაუნის ტექნოლოგიების კორპუსი (ქ. ჩოლოყაშვილის გამზ. N3/5, ვაკის პარკის გადმოსწვრივ)
დასწრება თავისუფალია.

უნივერსიტეტის სხვა ამბები