XI მოწვევის პარლამენტის განათლების, მეცნიერებისა და ახალგაზრდულ საქმეთა კომიტეტს გივი მიქანაძე უხელმძღვანელებს

XI მოწვევის პარლამენტმა დღეს, 25 ნოემბერს პირველი სხდომა გამართა, რომლის ფარგლებშიც საკანონმდებლო ორგანოს კომიტეტების თავმჯდომარეებიც დაამტკიცა.

განათლების, მეცნიერებისა და ახალგაზრდულ საქმეთა კომიტეტს გივი მიქანაძე უხელმძღვანელებს.

უახლოეს დროში ცნობილი გახდება კომიტეტის წევრებისა და თავმჯდომარის მოადგილეების ვინაობაც.

XI მოწვევის პარლამენტის პირველ სხდომას ესწრებოდნენ: საქართველოს მთავრობის წევრები, აფხაზეთისა და აჭარის ავტონომიური რესპუბლიკების უმაღლესი საბჭოებისა და მთავრობების ხელმძღვანელები, სასამართლო ხელისუფლების წარმომადგენლები, დედაქალაქის მერი, ცესკოს თავმჯდომარე და სასულიერო პირები.