2019-2020 წლის ეროვნული სასწავლო ოლიმპიადის I ტურის ჩატარების განრიგი და საგნის მაქსიმალური ქულები
2019-2020 სასწავლო წლის ეროვნული სასწავლო ოლიმპიადის პირველი ტურის ჩატარების განრიგი და საგნის მაქსიმალური ქულები ცნობილია.
ეროვნული სასწავლო ოლიმპიადა 5 ოქტომბერს დაიწყება. პირველი ტურის ჩატარებას უზრუნველყოფენ სკოლები. მომდევნო ტურებს კი ცენტრალიზებულად ჩაატარებს შეფასებისა და გამოცდების ეროვნული ცენტრი. 2019-2020 სასწავლო წლის ეროვნული სასწავლო ოლიმპიადის პირველი ტური ჩატარდება ყველა ზოგადსაგანმანათლებლო დაწესებულებაში ერთდროულად 09:00 საათიდან 18:00 საათის ჩათვლით.
იხილეთ განრიგი საგნების მიხედვით:
5 ოქტომბერს:
ქართული ენა და ლიტერატურა, ქართული როგორც მეორე ენა;
ფრანგული ენა.
6 ოქტომბერს:
ისტორია;
ქიმია.
12 ოქტომბერს:
ინგლისური ენა;
გერმანული ენა.
13 ოქტომბერს:
მათემატიკა;
რუსული ენა.
19 ოქტომბერს:
გეოგრაფია;
ფიზიკა.
20 ოქტომბერს – ბიოლოგია
საგნების მაქსიმალური ქულები კი ასე გამოიყურება:
გაითვალისწინეთ:
- ტესტირება ჩატარდება კომპიუტერულად;
- თითოეულ დავალებაზე გამოყოფილია დაახლოებით 3 წუთი. იმ შემთხვევაში, თუ მოსწავლეს ნაკლები დრო დასჭირდება პასუხის გასაცემად, პასუხის მონიშვნის შემდეგ მან უნდა დააჭიროს „დადასტურების“ ღილაკს, რათა გადავიდეს შემდეგ დავალებაზე;
- ყველა შეკითხვას თან ახლავს ოთხი სავარაუდო პასუხი, რომელთა გასწვრივ წრეებია გამოსახული. მონიშვნისთანავე წრეში გამუქდება წერტილი, დასტურის ღილაკის გამოყენების შემდეგ კი ეკრანზე შემდეგი შეკითხვა გამოჩნდება;
- ტესტირების დასრულების შემდეგ მოსწავლე ეკრანზე დაინახავს შეფასებას.
შეგახსენებთ, რომ ეროვნული სასწავლო ოლიმპიადა სამ ტურად ტარდება. მეორე ტურში მონაწილეობის უფლებას მოიპოვებს ის მონაწილე, რომელმაც დააგროვა ტესტის მაქსიმალური ქულის 60% ან მეტი და, ამასთან ერთად, მოხვდა რეიტინგული სიის პირველ 1000 მოსწავლეს შორის.
- როგორ უნდა იმუშაოს აბიტურიენტმა პასუხების ფურცელზე – NAEC-ის რჩევები უცხოური ენის გამოცდისთვის by რჩევები
- დაიწყება თუ არა სკოლაში ქართული ენის ცალკე საგნად სწავლება? – რა პასუხი აქვს განათლების მინისტრს by ARIS.GE-განათლება
- „ძალიან დაგეხმარებათ პროგრამის მიზნებისა და შინაარსის გაცნობა“ – როგორ შევარჩიოთ სასწავლო პროგრამები სწორად by რჩევები