2023 წლის აბიტურიენტს აპელაციის შედეგად 15 ქულა მოემატა

შეფასებისა და გამოცდების ეროვნული ცენტრის მონაცემებით, 2023 წლის ერთიან ეროვნულ გამოცდებზე, აპელაციის შედეგად, ყველაზე მეტი – 15 ქულა, აბიტურიენტს ინგლისური ენის ნამუშევარში მოემატა.

მეორე ადგილზეა ნაშრომი ქართულ ენასა და ლიტერატურაში და კიდევ ერთი ნაშრომი ინგლისურ ენაში, რომლებსაც 14-14 ქულა მოემატა.

8 მომატებული ქულით მესამე ადგილზეა ნაშრომი სახვით და გამოყენებით ხელოვნებაში.

აბიტურიენტების ნაშრომების გამსწორებლების შედეგები – გამოცდები 2023

შეგახსენებთ, რომ 2023 წელს, 4 292 სააპელაციო განაცხადიდან ქულა 1 498 ნაშრომის შემთხვევაში შეიცვალა, რაც გასაჩივრებული ნამუშევრების 34.3%-ს შეადგენს.

პირველადი შედეგების აპელაციის შემდეგ, აბიტურიენტის მიერ მიღებული შეფასების შემცირების კუთხით უპირობო ლიდერია ქართულ ენასა და ლიტერატურაში გასაჩივრებული ნაშრომები. 25 შემცირებული შეფასებიდან, ზუსტად 20 ნაშრომი ქართული ენისა და ლიტერატურის ტესტზე მოდის, შეფასება მაქსიმალურად 4 ქულით შემცირდა.

ასევე იხილეთ:

55-ე ადგილზე ჩაწერილი პროგრამით უნივერსიტეტში! – 2023 წლის აბიტურიენტები სხვა რაკურსით

განახლებადი ინფორმაცია გამოცდების შესახებ

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე