SANGU-ს 6 წლის ვადით ავტორიზაცია მიენიჭა

უმაღლესი საგანმანათლებლო დაწესებულებების ავტორიზაციის საბჭოს გადაწყვეტილებით, საქართველოს საპატრიარქოს წმ. ანდრია პირველწოდებულის სახელობის ქართულმა უნივერსიტეტმა (SANGU ) წარმატებით გაიარა ინსტიტუციური შეფასება და 6 წლის ვადით ავტორიზაცია მიენიჭა.

ამის შესახებ ინფორმაცია თავად უნივერსიტეტმა 16 დეკემბერს გამოაქვეყნა.

როგორც SANGU-ში აცხადებენ, ეს გადაწყვეტილება კიდევ ერთხელ ადასტურებს უნივერსიტეტის საგანმანათლებლო ხარისხს, მყარ აკადემიურ სტანდარტებსა და განვითარებაზე ორიენტირებულ ხედვას.

„მადლობას ვუხდით აკადემიურ და ადმინისტრაციულ გუნდს, სტუდენტებსა და ყველა პარტნიორს, ვინც ამ წარმატებაში მონაწილეობდა. წინ კიდევ უფრო დიდი გეგმები და შესაძლებლობები გველის!“, – აცხადებენ SANGU-ში.

უნივერსიტეტის სხვა ამბები