25 გზა, როგორ გავიგოთ რა ხდება ბავშვთან სკოლაში ისე, რომ არ ვკითხოთ: „აბა რა ხდებოდა სკოლაში“?
![](https://edu.aris.ge/news/wp-content/uploads/2015/09/200344283-001-458x257.jpg)
თუკი თქვენ კითხავთ ბავშვს „აბა, როგორ მიდის საქმე სკოლაში?“, მაშინ მეტად სავარაუდოა, რომ პასუხად მიიღოთ „კარგად“. ხოლო თუ თქვენ ნამდვილად გსურთ გაიგოთ, როგორ ჩაიარა მისმა დღემ, მაშინ დაეხმარეთ ბავშვს: დაუსვით ისეთი კითხვა, რომელიც დაწვრილებით პასუხს მოითხოვს.
მაშ ასე, გთავაზობთ 25 კითხვას, რომლის დასმის შემდეგაც ამომწურავ ინფორმაციას მიიღებთ მოსწავლის საგაკვეთილო დღის შესახებ:
1. რა არის ყველაზე კარგი, რაც დღეს სკოლაში შეგემთხვა? რა არის ყველაზე ცუდი რაც სკოლაში შეგემთხვა?
2. მომიყევი რაიმე სასაცილო, რაზე გაგეცინა დღეს?
3. რომ შეგეძლოს არჩევა, ვისთან ისურვებდი კლასში დაჯდომას? ვისთან არ მოისურვებდი დაჯდომას? რატომ?
4. მომიყევი სკოლის ყველაზე მაგარ ადგილზე.
5. რა არის ყველაზე უცნაური სიტყვა, რომელიც დღეს მოისმინე? რაიმე უცნაური ხომ არ უთქვამთ შენთვის?
6. შენი მასწავლებელი რომ დაგვეპატიჟებინა დღეს სტუმრად, როგორ ფიქრობ რას მეტყოდა იგი შენზე?
7. ვის დაეხმარე დღეს?
8. ვინმე ხომ არ დაგეხმარა დღეს?
9. მომიყევი, რა გაიგე დღეს ახალი?
10. იყო დღეს მომენტი, როდესაც თავი ყველაზე ბედნიერად იგრძენი?
11. მოწყენილი იყავი დღეს?
12. უცხოპლანეტელები რომ მოფრენილიყვნენ შენს კლასში და ერთ-ერთი თანაკლასელი წაეყვანათ, ვის ისურვებდი რომ ყოფილიყო?
13. ვისთან ისურვებდი რომ გეთამაშა შესვენებაზე მათგან, ვისთანაც ჯერ არ გითამაშია?
14. მომიყევი რაიმე კარგზე, რაც თავს გადაგხდა დღეს.
15. რომელ სიტყვას ხმარობდა დღეს მასწავლებელი ყველაზე ხშირად?
16. რის შესახებ გინდა რომ მეტი გაიგო სკოლაში?
17. რისი გაკეთება გინდა ყველაზე ნაკლებად სკოლაში?
18. ვისთან ერთად მოიქცეოდი კლასში ყველაზე კარგად?
19. სად თამაშობ ყველაზე ხშირად შესვენებებზე?
20. ვინ არის ყველაზე სასაცილო მოსწავლე კლასში? რატომ არის ასეთი სასაცილო?
21. მოგეწონა დღეს სადილი? რა მოგეწონა ყველაზე მეტად?
22. ხვალ რომ მასწავლებელი გახდე, რას გააკეთებდი?
23. როგორ ფიქრობ, უმჯობესი ხომ არ იქნება ვინმემ დატოვოს სკოლა თქვენი კლასიდან?
24. ვინმესთან ადგილების გაცვლა რომ შეგეძლოს კლასში, ვის გაუცვლიდი? რატომ?
25. მომიყევი სამ განსხვავებულ შემთხვევაზე, როდესაც დღეს გამოიყენე ფანქარი სკოლაში.
როგორ ვისწავლოთ სწრაფად კითხვა? – 5 ძირითადი ხერხი
რა ფაქტორები უწყობენ ხელს სწავლის მოტივაციის ამაღლებას
თეორიები სწავლის სტილის შესახებ
7 შეკითხვა, რაც სწავლის დაწყების დღეს მასწავლებელმა მშობელს უნდა დაუსვას
წყარო: adme.ru