აკაკი წერეთლის სახელმწიფო უნივერსიტეტი 92 წლისაა

აკაკი წერეთლის სახელმწიფო უნივერსიტეტი 92 წლისაა. 92 წლის წინ, 1933 წლის 13 თებერვალს დიდთოვლობის მიუხედავად ქუთაისში პედაგოგიური ინსტიტუტის სტუდენტებისთვის პირველი ზარი დაირეკა. სადგურ რიონიდან ფეხით წამოსულმა ქართველმა მეცნიერებმა და სტუდენტებმა საფუძველი ჩაუყარეს იმ საგანმანათლებლო კერის არსებობას, რასაც დღეს აკაკი წერეთლის სახელმწიფო უნივერსიტეტი ჰქვია.

92 წლის წინ პროფესორ გიორგი ახვლედიანის მიერ ჩატარებული პირველი ლექციიდან დღემდე უნივერსიტეტმა დიდი გზა განვლო.

4 სასწავლო განყოფილებით დაწყებული უმაღლესი სასწავლებლის ისტორია დღეს მრავალფეროვანი სასწავლო პროგრამებით, 10 ათასამდე ქართველი, 500-მდე უცხოელი სტუდენტის, პროფესორ-მასწავლებლების წარმატებული საქმიანობითა და სხვადასხვა ქვეყნის უმაღლეს სასწავლებელთან წარმატებული თანამშრომლობით გრძელდება.

უნივერსიტეტის სხვა ამბები