ალტე უნივერსიტეტის სტუდენტები გორის ქარის ელექტროსადგურს ესტუმრნენ

ალტე უნივერსიტეტის ბიზნესის ადმინისტრირების სამაგისტრო პროგრამის სტუდენტები გორის ქარის ელექტროსადგურს ესტუმრნენ.

უნივერსიტეტის მიერ 27 აპრილს გამოქვეყნებული ინფორმაციით, ადგილზე მათ კომპანიის წარმომადგენლები – სტრატეგიული პროექტების ხელმძღვანელი, ნიკოლოზ ღამბაშიძე და საოპერაციო მენეჯერი, დავით ჯოგიაშვილი დახვდნენ.

ვიზიტის ფარგლებში სტუდენტებმა დაათვალიერეს სადგურის ინფრასტრუქტურა და დეტალურად გაეცნენ სადგურის ფუნქციონირების როგორც ტექნიკურ, ისე საოპერაციო საქმიანობას.

შეხვედრის განმავლობაში განსაკუთრებული ყურადღება დაეთმო ელექტროენერგიის გამომუშავებისა და დისტრიბუციის საკითხებს. ასევე, კომპანიის წარმომადგენლებმა სტუდენტებს სამომავლო გეგმები გააცნეს და საქართველოში განახლებადი ენერგიის ბიზნესის თანამედროვე ტენდენციებზე ინფორმაცია გაუზიარეს.

უნივერსიტეტის სხვა ამბები