ალტე უნივერსიტეტში მრგვალი მაგიდის დისკუსია – „AI ლანდშაფტი: ტენდენციები და კროს-სექტორული გამოყენება“ გაიმართა

ალტე უნივერსიტეტში IT სკოლისა და „ინოვაციებისა და მეწარმეობის ცენტრის“ ორგანიზებით, მრგვალი მაგიდის დისკუსია – „AI ლანდშაფტი: ტენდენციები და კროს-სექტორული გამოყენება“ გაიმართა.

უნივერსიტეტის მიერ 4 თებერვალს გამოქვეყნებული ინფორმაციით, შეხვედრა ეთმობოდა ხელოვნური ინტელექტის პრაქტიკულ და თეორიულ ასპექტებს, დისკუსიას კი საინფორმაციო ტექნოლოგიების სკოლის დეკანი, რუსო სანაძე უძღვებოდა.

ღონისძიებას უძღვებოდნენ AI სფეროს ექსპერტები და მოწვეული სპიკერები: თორნიკე რაზმაძე – რადიუმის დამფუძნებელი, გიორგი ხანიშვილი – ველინის დირექტორი, გიორგი გვასალია – DeteqtAI-ს დამფუძნებელი, ლაშა დალაქიშვილი – ალტე უნივერსიტეტის ასისტენტ პროფესორი, გიორგი კვინიკაძე – GAIA-ს წევრი.

სპიკერებმა ისაუბრეს ისეთ მნიშვნელოვან თემებზე, როგორიცაა: ალგორითმული ხელოვნური ინტელექტი, AI-ის ადაპტაცია კლასიკურ ბიზნესებში, ხელოვნური ინტელექტი განათლებასა და მეცნიერებაში და სხვ.

შეხვედრის განმავლობაში დამსწრეებს ჰქონდათ შესაძლებლობა, ჩართულიყვნენ ღია დისკუსიაში, დაესვათ მათთვის საინტერესო შეკითხვები და ექსპერტებისგან რჩევები მიეღოთ.

უნივერსიტეტის სხვა ამბები