ავტორიზაცია 29 უმაღლეს სასწავლებელს გაუხანგრძლივდება

ავტორიზაცია 29 უმაღლეს საგანმანათლებლო დაწესებულებას ერთი წლით გაუხანგრძლივდება. აღნიშნული ინიციატივა განათლებისა და მეცნიერების სამინისტროს ეკუთვნის და მისი მიზანი ავტორიზაციის ახალი კრიტერიუმებით გასავლელად უნივერსიტეტებისთვის მოსამზადებლად შესაბამისი დროის მიცემაა.

კანონპროექტის მიხედვით, ავტორიზაციის 5–წლიანი ვადის ერთი წლით გახანგრძლივება იმ უმაღლესი სასწავლო დაწესებულებებისთვისაა გათვალისწინებული, რომელთა ავტორიზაციის შესახებ გადაწყვეტილება მიღებულ იქნა 2011-2015 წლებში.

„იმის გათვალისწინებით, რომ უმაღლესი საგანმანათლებლო დაწესებულება ავტორიზაციას ნაცვლად 3 კრიტერიუმისა 7 კრიტერიუმით გაივლის და ამას სჭირდება მომზადება, ჩვენ ვითხოვეთ ცვლილება ვადასთან დაკავშირებით. შემოთავაზებული საკანონმდებლო ცვლილებები საშუალებას მისცემს განათლების ხარისხის განვითარების ეროვნულ ცენტრსა და უმაღლეს საგანმანათლებლო დაწესებულებებს, რომ განახლებული სტანდარტებისა და პროცედურების პირობებში, მომზადებულები შეხვდნენ ამ პროცესს და დაძლიონ ეს კრიტერიუმები“, – განმარტა EDU.ARIS.GE-სთან განათლებისა და მეცნიერების მინისტრის მოადგილე ლია გიგაურმა.

რა სტანდარტების დაკმაყოფილება მოუწევთ უმაღლეს სასწავლებლებს ავტორიზაციის გასავლელად

უმაღლესი საგანმანათლებლო დაწესებულების ავტორიზაციის სტანდარტი და ცვლილებები მინისტრის ბრძანებაში

არაავტორიზებული სასწავლო დაწესებულებები შესაძლოა დაიხუროს

სახელმწიფო უმაღლესების ინფრასტრუქტურის დაფინანსების საკითხებზე უწყებათაშორისი კომისია შეიქმნა – წევრთა სია

მოამზადა ქეთი გიგოლაშვილმა