აწსუ-ის საკალათბურთო გუნდმა სტუდენტურ B ლიგაში მეორე ადგილი დაიკავა

უნივერსიადა 2025-ის ფარგლებში დასრულდა სტუდენტური B ლიგა კალათბურთში. აკაკი წერეთლის სახელმწიფო უნივერსიტეტის კალათბურთის გუნდმა ტურნირზე მეორე ადგილი დაიკავა.

უნივერსიადა 2025-ის ორგანიზატორია საქართველოს საუნივერსიტეტო სპორტის ფედერაცია.

აკაკი წერეთლის სახელმწიფო უნივერსიტეტი, ფედერაციასთან ერთად ულოცავს გუნდს წარმატებულ ასპარეზობას.

აღსანიშნავია, რომ აკაკი წერეთლის სახელმწიფო უნივერსიტეტი ,,უნივერსიადაში“ აქტიურადაა ჩართული.

საუნივერსიტეტო ,,უნივერსიადაში“, რომელიც აწსუ კულტურის, სპორტისა და ახალგაზრდობის საქმეთა სამსახურის ორგანიზებით ტარდება, ყოველ წლიურად ათასზე მეტი სტუდენტია ჩართული. გამარჯვებულები კი ქვეყნის მასშტაბით გამართულ ,,უნივერსიადაში“ წარმატებით მონაწილეობენ.

აკაკი წერეთლის სახელმწიფო უნივერსიტეტი სტუდენტებს მხარს უჭერს, გარდა აკადემიური წარმატებებისა, სპორტის სხვადასხვა სახეობაში მოსინჯონ ძალები და გაიმარჯვონ.

უნივერსიტეტის სხვა ამბები