CIU-ს მევენახეობა-მეღვინეობის ფაკულტეტმა საჯარო ლექციას უმასპინძლა

კავკასიის საერთაშორისო უნივერსიტეტის მევენახეობა-მეღვინეობის ფაკულტეტმა საჯარო ლექციას უმასპინძლა, რომელიც შვედეთის მეღვინეობის განვითარებასა და ინდუსტრიის პერსპექტივებს დაეთმო.

უნივერსიტეტის მიერ 2 ოქტომბერს გამოქვეყნებული ინფორმაციით, შეხვედრას ტოკაის უნივერსიტეტის (უნგრეთი) მკვლევარი, შვედური ბუნებისა და ბაღების შესახებ გამოცემების ფრილანსერი ავტორი კარლ-იოჰან ფაბო უძღვებოდა.

ლექციაზე, სახელწოდებით „სკანდინავიური ღვინოები: დროებითი ტრენდი თუ მომავლის ინდუსტრია? – შვედეთის ახალი მეღვინეობის სექტორი“, მომხსენებელმა დეტალურად ისაუბრა ჩრდილოეთ ევროპაში მევენახეობის განვითარების ტენდენციებზე, კლიმატურ გამოწვევებსა და იმ პოტენციალზე, რაც შვედურ ღვინოს საერთაშორისო ბაზარზე დამკვიდრების საშუალებას აძლევს.

შეხვედრა აქტიური კითხვა-პასუხის რეჟიმში წარიმართა. ლექციის დასასრულს, დამსწრე საზოგადოებასა და სტუდენტებს შესაძლებლობა ჰქონდათ, მონაწილეობა მიეღოთ დეგუსტაციაში და შვედური ღვინოები დაეგემოვნებინათ.

უნივერსიტეტის სხვა ამბები