„ევროპის უნივერსიტეტის“ ახალ სასწავლო კამპუსში ბიბლიოთეკა გაიხსნა

6 ოქტომბერს, „ევროპის უნივერსიტეტის“ ახალ სასწავლო კამპუსში ბიბლიოთეკა ოფიციალურად გაიხსნა.

უნივერსიტეტის მიერ გამოქვეყნებული ინფორმაციით, ახალი ბიბლიოთეკა აღჭურვილია უახლესი ინფრასტრუქტურით და ციფრული რესურსებით, რაც სტუდენტებისთვის კომფორტულ და თანამედროვე გარემოს ქმნის.

საბიბლიოთეკო სივრცეში განთავსებულია სამეცნიერო ლიტერატურა, ასევე სამუშაო კაბინეტები, სადაც სტუდენტებს შესაძლებლობა ექნებათ, როგორც ინდივიდუალურად, ასევე ჯგუფურად, ყუდრო გარემოში იმუშაონ.

ბიბლიოთეკის გახსნის ღონისძიებას ესწრებოდნენ: „ევროპის უნივერსიტეტის“ რექტორი ნინო ტალიაშვილი, ვიცე-რექტორი ხარისხის განვითარების მიმართულებით სოფიო ხუნდაძე, ვიცე-რექტორი საერთაშორისო ურთიერთობების მიმართულებით ნიკოლოზ ფარჯანაძე და უნივერსიტეტის სხვა ადმინისტრაციული პერსონალი.

უნივერსიტეტის სხვა ამბები