„ევროპის უნივერსიტეტში” პოლიტიკის დოკუმენტის – “ევროპული ღირებულებების სწავლება საქართველოს სკოლებში“ – პრეზენტაცია გაიმართა

“ევროპის უნივერსიტეტში” ერაზმუს+ ჟან მონეს პროექტის ფარგლებში, პოლიტიკის დოკუმენტის – “ევროპული ღირებულებების სწავლება საქართველოს სკოლებში” პრეზენტაცია გაიმართა.
უნივერსიტეტის ინფორმაციით, ღონისძიება “ევროპის უნივერსიტეტის” რექტორმა ნინო ტალიაშვილმა გახსნა.
პოლიტიკის დოკუმენტის მიზანი საქართველოს საშუალო განათლების სისტემის ევროპეიზაციის გზაზე მდგარ გამოწვევებთან დაკავშირებით შესაბამის ადგილობრივ თუ საერთაშორისო აქტორთა შორის კრიტიკული განსჯის წახალისება და გაცემული რეკომენდაციების საფუძველზე, ზოგადი განათლების პოლიტიკის შემდგომი განვითარებისკენ მოწოდებაა.
ღონისძიებას საქართველოს განათლებისა და მეცნიერების სამინისტროს, განათლების ხარისხის განვითარების ეროვნული ცენტრის და საგანმანათლებლო რესურსცენტრების წარმომადგენლები, პროექტის ბენეფიციარი საჯარო სკოლების დირექტორები საქართველოს რეგიონებიდან, კვლევაში ჩართული სტუდენტები და სხვა დაინტერესებული მხარეები ესწრებოდნენ.
პრეზენტაციის შემდეგ მრგვალი მაგიდის ფორმატში დაინტერესებული მხარეების ჩართულობით საკონსულტაციო საათი გაიმართა.
-
ჯო ენის საუნივერსიტეტო ჰოსპიტალი საერთაშორისო აკრედიტაციის გასავლელად “აკრედიტაცია კანადასთან“ თანამშრომლობას იწყებს by ევროპის უნივერსიტეტი
-
ვახტანგ ხელაშვილი “ევროპის უნივერსიტეტის” კარდიოლოგიის დეპარტამენტის ხელმძღვანელად დაინიშნა by ევროპის უნივერსიტეტი
-
“ევროპის უნივერსიტეტი” სესამის წევრი გახდა by ევროპის უნივერსიტეტი