სკოლებში სხვადასხვა სპორტული სახეობების შეტანა განიხილება
![](https://edu.aris.ge/news/wp-content/uploads/2024/02/DSC_7897-1-458x257.jpg)
საქართველოს განათლების, მეცნიერებისა და ახალგაზრდომის მინისტრის განცხადებით, საქართველოს ზოგადსაგანმანათლებლო დაწესებულებებში სასკოლო სპორტული ინფრასტრუქტურა არ არის კარგ მდგომარეობაში, მაგრამ ამ ვითარების გამოსწორებისთვის მუშაობენ.
როგორც გიორგი ამილახვარმა განმარტა, იმუშავებენ ორი მიმართულებით: ერთი ეს იქნება თავად სპორტული ინფრასტრუქტურა და მეორე სპორტის, როგორც საგნის ახლებური განაწილება სწავლების პროცესში.
“ერთია ინფრასტრუქტურა და მეორე სასწავლო გეგმაში რა მოცულობით არის ეს [სპორტი] ასახული. ყველა ახალ სკოლაში, რომელიც შენდება, ჩადებულია სპორტული ინფრასტრუქტურა. რაც შეეხება სასკოლო კურიკულუმს, სასკოლო სტანდარტების გადამუშავების შემდეგ, შემიძლია დაგარწმუნოთ, რომ სპორტს ექნება ერთ-ერრთი მნიშვნელოვანი და უპირატესი ადგილი. რაგბის გარდა, რომელიც უკვე შემოსულია სკოლებში, სამინისტრო სხვადასხვა სპორტულ სახეობებსაც განიხილავს”, – განაცხადა განათლების მინისტრმა საკანონმდებლო ორგანოში.
ასევე იხილეთ:
გიორგი ამილახვარმა სასკოლო საგნების სტანდარტების განახლების დასრულების დრო გამოაცხადა
-
განათლების ხარისხის განვითარების ეროვნული ცენტრის მართვაში ცვლილებები შევა – კანონპროექტი by ARIS.GE-განათლება
-
„აბიტურიენტებისგან იზრდება მოთხოვნა საინჟინრო მიმართულებებზე“ – NAEC-ის ხელმძღვანელი by ARIS.GE-განათლება
-
„ამ ფორმულით დაწყებითების მასწავლებლები განსაკუთრებით დაზარალდნენ…“ – წამყვანი მასწავლებლის დიალოგი განათლების სამინისტროსთან by ARIS.GE-განათლება