განათლების სამინისტროს ოფიციალური პოზიცია ჰაგიოგრაფიის სწავლებაზე – გიორგი ამილახვარის პასუხი
![](https://edu.aris.ge/news/wp-content/uploads/2023/12/MG_9020-Copy-3-1-458x257.jpg)
„დიახ, მე ვფიქრობ, რომ ჰაგიოგრაფია უნდა ისწავლებოდეს“, – ასე უპასუხა განათლების, მეცნიერებისა და ახალგაზრდობის მინისტრობის კანდიდატმა, გიორგი ამილახვარმა პარლამენტში არაერთი დეპუტატის მიერ დასმულ კითხვას სასკოლო პროგრამიდან ჰაგიოგრაფიის ნაწილის შემცირების ან ამოღების შესახებ.
მომავალი მინისტრის თქმით, ჰაგიოგრაფიასთან დაკავშირებული საუბრები კერძო, ექსპერტული აზრია და არ წარმოადგენს სამინისტროს მოსაზრებას.
„კარგია, რომ საზოგადოებაში დისკუსია იყო და კარგია, რომ საზოგადოების აზრიც გავიგეთ. პირადად გიდასტურებთ პოზიციას, რომ არა, ჩვენ არ ვფიქრობთ, რომ ჰაგიოგრაფია რაიმე ფორმით უნდა იყოს ამოღებული სწავლებიდან, თუმცა მე არ ვარ ამ მიმართულების არც სპეციალისტი, არც მცოდნე. ჩვენ უნდა დავეყრდნოთ ექსპერტებს, რომელშიც ჩართული არიან ყველა, თუ ვინმე საუკეთესოა ამ ქვეყანაში. აქ არის სწავლების მეთოდიკაზე საუბარი. პასუხი ნათელია, არავითარი მღელვარება ამ კუთხით არ არსებობს და ორი აზრიც არ არის“, – განმარტა გიორგი ამილახვარმა.
საქართველოს განათლების, მეცნიერებისა და ახალგაზრდობის მინისტრობის კანდიდატს პარლამენტში 5 თებერვალს მოუსმინეს. მთავრობის განახლებულ შემადგენლობას პარლამენტმა ნდობა 8 თებერვალს უნდა გამოუცხადოს.
ასევე იხილეთ:
ავტორები თამუნა კირკიტაძე და edu.aris.ge
-
„ბევრი პედაგოგი სკოლიდან წასვლაზე დაფიქრდება“ – ორად გაყოფილი პოზიცია გორის საგამოცდო ცენტრიდან და პროგნოზები სახელფასო პოლიტიკაზე by ARIS.GE-განათლება
-
„ანაზღაურებადი შრომა ცალკეა და ცალკეა კიდევ ის, რაც ვერ ანაზღაურდება, ასეთ შრომას ეწევიან პედაგოგები“ – გზავნილები განათლების სამინისტროს by სიახლეები პედაგოგთა გამოცდებზე
-
სკოლის ფორმალური სამეურვეო საბჭო და დირექტორის დიდი გავლენები – მოკვლევის შედეგები და რეკომენდაციები განათლების სამინისტროს by ARIS.GE-განათლება