გორის საგამოცდო ცენტრში ქართული ენისა და ლიტერატურის გამოცდა დაგვიანებით დაიწყო – გამოცდები 2017

2017 წლის ეროვნული გამოცდების პირველ დღეს, გორის საგამოცდო ცენტრში ქართული ენისა და ლიტერატურის გამოცდაზე რეგისტრაციის პროცესი და შემდეგ საგამოცდო პროცესი  5 წუთის დაგვიანებით დაიწყო.

როგორც EDU.ARIS.GE-ს ცენტრის ხელმძღვანელმა განუცხადა, ამის მიზეზი აპლიკანტების დიდი რაოდენობა გახდა.

“რეგისტრაციაზე ბევრი აპლიკანტი იყო ერთდროულად, რამაც პროცესის დაწყება 5 წუთით დააგვიანა, თუმცა სხვა ხარვეზი არ ყოფილა. შესაძლებელია გამოცდის დაწყების დრო ყველა სექტორში და საგამოცდო ცენტრში განსხვავებული იყოს. საგამოცდო დროის ათვლა იწყება მაშინ, როდესაც მეთვალყურეს კოდი მიეწოდება,” – განგვიცხადა თინათინ გვერდწითელმა.

რაც შეეხება სტატისტიკას, გორის საგამოცდო ცენტრში პირველ სესიაზე დარეგისტრირებული იყო 529 აბიტურიენტი, საიდანაც 9 აპლიკანტი არ გამოცხადდა.

ამ დროისათვის საგამოცდო პროცესი უკვე დაწყებულია, გამოცდიდან აბიტურიენტის მოხსნის ფაქტი არ დაფიქსირებულა. ადგილზე მობილიზებულია სასწრაფო სამედიცინო და საპატრულო პოლიციის ეკიპაჟები. ასევე სახანძრო სამაშველო სამსახური.

ინფორმაცია გამოცდების შესახებ

მოამზადა ნიკა გაბლიშვილმა – გორი