გორის სახელმწიფო უნივერსიტეტში სამეცნიერო კონფერენცია – „ეკონომიკა და ბიზნესი: გამოწვევები და პერსპექტივები“ გაიმართა

26 თებერვალს, გორის სახელმწიფო უნივერსიტეტის სოციალურ მეცნიერებათა, ბიზნესისა და სამართალმცოდნეობის ფაკულტეტის ორგანიზებით, სტუდენტთა მეშვიდე სამეცნიერო კონფერენცია – „ეკონომიკა და ბიზნესი: გამოწვევები და პერსპექტივები“ ჩატარდა.

უნივერსიტეტის მიერ 27 თებერვალს გამოქვეყნებული ინფორმაციით, კონფერენცია სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანმა, პროფესორმა თეა ხორგუაშვილმა გახსნა.

მონაწილეებს სიტყვით მიმართეს: უნივერსიტეტის სასწავლო პროცესის მართვის სამსახურის უფროსმა, პროფესორმა ციური დურულმა, სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანის მოადგილემ, პროფესორმა მარიკა შერაზადიშვილმა, პროფესორმა გიული გიგუაშვილმა და ასოცირებულმა პროფესორმა ლალი ოსაძემ.

კონფერენციაზე წარმოდგენილი იყო ორ ათეულზე მეტი მოხსენება. მონაწილეებს შესაბამისი სერტიფიკატები გადაეცემათ.

უნივერსიტეტის სხვა ამბები