ინგირის სკოლაში კორონავირუსით 7 მოსწავლეა ინფიცირებული – კლასები დისტანციურ სწავლას დაუბრუნდებიან
ინგირის მეორე საჯარო სკოლის მე-4 და მე-5 კლასის მოსწავლეები კორონავირუსის გამო ხვალიდან სწავლების დისტანციურ რეჟიმზე გადავლენ.
ზუგდიდის რესურსცენტრის ხელმძღვანელის მოვალეობის შემსრულებლის ინფორმაციით, აღნიშნულ კლასებში კოვიდ-19 თითო-თითო მოსწავლეს დაუდგინდა. მამუკა ბულიას თქმით, ბავშვებს ონლაინ გაკვეთილები 16 თებერვლამდე ჩაუტარდებათ.
შეგახსენებთ, რომ აღნიშნულ სკოლაში კორონავირუსი პირველ და მე-2 კლასის მოსწავლეებს 27 იანვარს გამოუვლინდათ, შემდეგ კი მე-8, მე-9 და მე-10 კლასის მოსწავლეებსაც დაუდგინდათ. ამ კლასის მოსწავლეები საკლასო ოთახებში 8-9 თებერვალს დაბრუნდებიან.
ამ დროისთვის ინგირის სკოლაში კორონავირუსით სულ 7 მოსწავლეა ინფიცირებული.
წყარო: radioatinati
- შენარჩუნდება თუ არა ახალი სასწავლო წლიდან სკოლებში დისტანციური დასწრების არჩევის შესაძლებლობა? პასუხი ცნობილია by ARIS.GE-განათლება
- კორონავირუსის დადასტურების შემთხვევაში, აპლიკანტი გამოცდაზე 7 დღის განმავლობაში ვერ გავა by სიახლეები მისაღებ გამოცდებზე
- რა შემთხვევაში აიცრებიან მეორე ბუსტერდოზით 12-17 წლის ასაკის პირები – მინისტრის ბრძანება by EDUVID-19