ისტორიის გამოცდაზე აბიტურიენტების 7%-მდე არ გამოცხადდა, 17% კი მასწავლებლის გამოცდაზე

2026 წლის ზაფხულის გამოცდები გრძელდება. დღეს, 13 ივლისს, აბიტურიენტები ისტორიის გამოცდას ორ სესიად აბარებენ. მასწავლებლებისა და მასწავლებლობის მსურველებისთვის კი პირველ სესიაზე ინგლისური ენისა (I- XII) და იტალიური ენის (I- XII) გამოცდა მიმდინარეობს.

შეფასებისა და გამოცდების ეროვნული ცენტრის მონაცემების თანახმად, პირველ სესიაზე განაწილებული აბიტურიენტებიდან ისტორიის გამოცდაზე გამოცხადდა 93%-ზე მეტი გამოსაცდელი; მასწავლებლებისა და მასწავლებლობის მსურველებისთვის რეგისტრირებული აპლიკანტებიდან გამოცდაზე მივიდა 83%-ზე მეტი მონაწილე.

პირველი სესიის გამოცდაზე  ხუთმა გამოსაცდელმა დაიგვიანა და საგამოცცდო პროცესს გამოეთიშა. დაგვიანების შემთხვევები დააფიქსირა EDU.ARIS.GE-მ თბილისში. 175-ე საჯარო სკოლაში გახსნილ საგამოცდო ცენტრში, სადაც ამ წუთებში ისტორიის გამოცდის პირველი სესია მიმდინარეობს, ერთ აბიტურიენტს დააგვიანდა. ამავე საგამოცდო ცენტრში კიდევ ერთი დაგვიანება მასწავლებლის საგნის გამოცდაზე – ინგლისური ენა (I-XII) (წერითი ნაწილი) დაფიქსირდა.

როგორ აბიტურიენტს, ისე მასწავლებლის გამოცდაზე გამსვლელ აპლიკანტს ტესტირებაზე, დაახლოებით, 3 წუთი დააგვიანდათ.

ადგილზე მყოფმა საგამოცდო ცენტრის წარმომადგენლებმა მათ განუმარტეს, რომ დაგვიანებულ გამოსაცდელს ტესტირებაზე ვერ დაუშვებდნენ.

შეგახსენებთ, 2026 წლის ერთიანი ეროვნულო გამოცდები 2 ივლისს დაიწყო და 22 ივლისის ჩათვლით გაგრძელდება. რაც შეეხება მასწავლებლისა და მასწავლებლობის მსურველთა გამოცდას, ტესტირებები 5-დან 29 ივლისის ჩათვლითაა დაგეგმილი.

ასევე იხილეთ:

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე

განახლებადი ინფორმაცია გამოცდების შესახებ