იწყება გამოცდაზე რეგისტრაცია პრაქტიკოსი პედაგოგებისთვის – ვადები და კრებულები (არაქართულენოვანი და სპეცმასწავლებლები)

შეფასებისა და გამოცდების ეროვნული ცენტრის (NAEC) მიერ დღეს გამოქვეყნებული ინფორმაციით, არაქართულენოვანი სკოლების/სექტორის პრაქტიკოსი მასწავლებლებისა და პრაქტიკოსი სპეციალური მასწავლებლებისთვის კომპეტენციის დამადასტურებელ გამოცდებზე რეგისტრაცია 25 სექტემბრის 10:00 საათიდან დაიწყება და 8 ოქტომბრის 18:00 საათზე დასრულდება.

NAEC-ის ცნობით, რეგისტრაციის გავლა შესაძლებელია მხოლოდ ელექტრონულად გვერდზე online.naec.ge

გამოსაცდელებმა, რომლებსაც ესაჭიროებათ სპეციფიკური საგამოცდო გარემოს შექმნა, რეგისტრაციის დროს უნდა მონიშნონ – „სპეციალური პირობები“ და შესაბამისი ჯანმრთელობის ცნობა (ფორმა N100) წარადგინონ 8 ოქტომბრის 18:00 საათამდე. შეფასებისა და გამოცდების ეროვნულ ცენტრში (მის.: თბილისი, ე. მინდელის N9), რეგიონებში კი ადგილობრივ საგანმანათლებლო რესურსცენტრში.

როგორ მოვემზადოთ მასწავლებლებისა და მასწავლებლობის მსურველთა გამოცდებისათვის – დამხმარე კრებულები და პროგრამები

განათლების, მეცნიერებისა და ახალგაზრდობის სამინისტროს გადაწყვეტილებით, არაქართულენოვანი სექტორის პრაქტიკოს მასწავლებლებს დამატებით მიეცათ შესაძლებლობა, უფროსი მასწავლებლის სტატუსის მოპოვების მიზნით, საგნობრივი კომპეტენცია დაადასტურონ.

შეგახსენებთ, არაქართულენოვანი სკოლების პრაქტიკოსი მასწავლებლებისა და პრაქტიკოსი სპეციალური მასწავლებლებისათვის გამოცდები მიმდინარე წლის ნოემბერში ჩატარდება.

ასევე იხილეთ:

მასწავლებლების ნაწილი კომპეტენციის დადასტურების გამოცდას ნოემბერში ჩააბარებს – გადაწყვეტილება

რომელ პრაქტიკოს მასწავლებლებს ექნებათ ტესტირებაზე გასვლის უფლება – ცვლილება გამოცდის ჩატარების წესში შევიდა