კსუ-ის სტუდენტებისთვის ბაკურიანში ტრენინგ-კურსი გაიმართა
19-21 ივლისს, დაბა ბაკურიანში, საერთაშორისო ურთიერთობებისა და საერთაშორისო უსაფრთხოების სამაგისტრო პროგრამის სტუდენტებისთვის ტრენინგ-კურსი გაიმართა, თემაზე: „XXI საუკუნის გეოპოლიტიკური ტრანზიცია და საერთაშორისო უსაფრთხოების ასპექტები“.
სამდღიან ტრენინგ-კურსს, რომელიც სასტუმრო „ვილა ბაკურიანში“ ჩატარდა, კსუ-ს საერთაშორისო ურთიერთობებისა და საერთაშორისო უსაფრთხოების სამაგისტრო პროგრამის ხელმძღვანელი, პროფესორი ვახტანგ მაისაია უძღვებოდა. მომხსენებელმა თანამედროვე შიდა და საერთაშორისო უსაფრთხოების სისტემაზე, სახელმწიფო გადატრიალების ფენომენსა და მის სხვადასხვა ასპექტზე ისაუბრა. ასევე უსაფრთხოების მიმართულებით, ყურადღება გამახვილდა საქართველოს საშინაო პოლიტიკისა და რეგიონის აქტუალურ პოლიტიკურ საკითხებზე.
უნივერსიტეტის ცნობით, საერთაშორისო ურთიერთობებისა და საერთაშორისო უსაფრთხოების სამაგისტრო პროგრამის ფარგლებში, შემდეგ სასწავლო წელსაც აქტიურად იგეგმება უცხოელ და ადგილობრივ პროფესორთა ტრენინგ-კურსები, ასევე საერთაშორისო პოლიტიკისა და უსაფრთხოების საკითხებზე სხვადასხვა აქტივობები, სტუდენტური კონფერენციები და ვორქშოპები, რომლებიც ხელს შეუწყობს სტუდენტთა კვალიფიკაციის ამაღლებასა და კონკურენტულ გარემოში დამკვიდრებას.
- კონკურენტული ინოვაციის ფონდის (CIF) საგრანტო კონკურსში CIU-ს თანამონაწილეობით წარდგენილმა პროექტმა გაიმარჯვა by კავკასიის საერთაშორისო უნივერსიტეტი
- ტომას ბატას უნივერსიტეტის წარმომადგენლის სამუშაო ვიზიტი CIU-ში by კავკასიის საერთაშორისო უნივერსიტეტი
- CIU-ში ფსიქოლოგ ზურა მხეიძის საჯარო ლექცია გაიმართა by კავკასიის საერთაშორისო უნივერსიტეტი