მასწავლებელთა პროფესიული უნარების ტესტები – შემოდგომის გამოცდები 2019

გამოქვეყნდა შემოდგომაზე ორგანიზებული მასწავლებლის საგნობრივი და პროფესიული კომპეტენციების დადასტურებაის გამოცდაზე გამოყენებული ტესტები პროფესიულ უნარებში.

იხილეთ ტესტები

2019 წლის შემოდგომაზე ორგანიზებული მასწავლებელთა საგნის გამოცდის, საგნობრივი და პროფესიული კომპეტენციების დადასტურების პროცესი 2 ნოემბერს, პროფესიული ტესტირებით დაიწყო და 8 ნოემბერს დასრულდება.

მასწავლებლის კომპეტენციის დადასტურების პროცესში დღეიდან პედაგოგობის მსურველებიც ჩაერთვნენ. აპლიკანტები დაწყებითი საფეხურის საგნებში (ქართული ენა და ლიტერატურა, მათემატიკა და ბუნებისმეტყველება (I-IV) ადასტურებენ კომპეტენციას. გამოცდების ცენტრის ცნობით, დარეგისტრირებულებიდან ტესტირებაზე 89%-ზე მეტი მასწავლებელი და მასწავლებლობის მსურველი გამოცხადდა.

წელს მასწავლებლებსა და მასწავლებლობის მსურველებს კომპეტენციის დადასტურების საშუალება მეორედ მიეცათ. გამოცდების ცენტრის ინფორმაციით, შემოდგომაზე ორგანიზებული ტესტირებისათვის  26 600 – ზე მეტი აპლიკანტია დარეგისტრირებული. მათგან 15 000-ზე მეტი პრაქტიკოსი მასწავლებელია.