მთელი ქვეყნის მასშტაბით ტრენინგმოდულის „სკოლებში ბულინგის პრევენცია და ტოლერანტული კულტურის განვითარების ხელშეწყობა“ განხორციელება დაიწყო
მასწავლებელთა პროფესიული განვითარების ეროვნულმა ცენტრმა ტრენინგმოდულის „სკოლებში ბულინგის პრევენცია და ტოლერანტული კულტურის განვითარების ხელშეწყობა“ განხორციელება დაიწყო.
ტრენინგის მიმდინარეობას მეჯვრისხევის საზოგადოებრივ ცენტრში მასწავლებელთა პროფესიული განვითარების ეროვნული ცენტრის დირექტორი გიორგი მაჩაბელი და დირექტორის მოადგილე დავით ხვედელიძე გაეცნენ.
4-დღიან ტრენინგს ჯამში 8000-მდე კლასის დამრიგებელი, სამოქალაქო განათლების მასწავლებელი და სკოლის ადმინისტრაციის წარმომადგენელი გაივლის.
ტრენინგზე მასწავლებლები გაეცნობიან ბულინგისა და ძალადობის გამომწვევ მიზეზებსა და სახეებს, ტოლერანტულ და არატოლერანტულ ქცევათა მაგალითებს, ბავშვის უფლებებს და ბავშვთა დაცვის მიმართვიანობის პროცედურებს. ასევე, ბულინგის პრევენციის გზას სოციალური და ემოციური სწავლების საშუალებით, კულტურათაშორის ურთიერთობებში ტოლერანტული ქცევის მნიშვნელობას და კონფლიქტის მშვიდობიანად მოგვარების გზებს.
მოდულის წარმატებით გავლის შედეგად, მონაწილე მასწავლებელი 1,5 კრედიტქულას მიიღებს.
ტრენინგის დასრულების შემდეგ, მასწავლებლებს შეეძლებათ ბულინგისა და ძალადობის მსხვერპლის იდენტიფიცირება, ასევე, საკლასო ოთახში, სკოლასა და საზოგადოებაში ბულინგის პრევენციის ხელშეწყობა.
- რომელ საგნებში გამოვლინდებიან 2022 წლის საუკეთესო მასწავლებლები – კონკურსში მონაწილეობის პირობები by ამბები ზოგადი განათლებიდან
- ადრეული განათლების მიმართულების ტრენერობის მსურველთათვის კონკურსი გამოცხადდა – დეტალები by მასმედია
- კონკურსი „საჯარო სკოლის 2021 წლის საუკეთესო დირექტორი“ – რა მოთხოვნები უნდა დააკმაყოფილოს კანდიდატმა by ამბები ზოგადი განათლებიდან