პირველკლასელთა მესამე ეტაპის რეგისტრაცია დილის ცხრა საათზე დაიწყება – დეტალები
13 მაისს პირველკლასელთა მესამე ეტაპის რეგისტრაცია იწყება, რომელიც ელექტრონულ ფორმატში წარიმართება და არ ეხება პირველ და მეორე ეტაპზე უკვე დარეგისტრირებულ პირველკლასელებს.
პირველკლასელთა საყოველთაო ელექტრონული რეგისტრაცია 2021-2022 სასწავლო წლისათვის 13 მაისს – 09:00 საათზე დაიწყება და 5 ივნისის ჩათვლით გაგრძელდება, ხოლო საბუთების წარდგენა 8 ივნისიდან 22 ივნისის ჩათვლით გაგრძელდება და მშობლებს საშუალება ექნებათ საბუთები სკოლაში წარადგინონ ელექტრონული ფორმით.
რეგისტრაცია განხორციელდება განათლების მართვის საინფორმაციო სისტემის ვებ-გვერდზე
http://registration.emis.ge/.
ელექტრონულ რეგისტრაციას უზრუნველყოფს მშობელი/კანონიერი წარმომადგენელი
2021-2022 სასწავლო წელს, პირველ კლასში რეგისტრაცია შესაძლებელია იმ ბავშვებისათვის, რომელთაც ზოგადი განათლების დაწყებით საფეხურზე სწავლის დაწყებისთვის შესრულებული აქვთ 6 წელი და მათი ასაკი არ აღემატება 10 წელს.
სკოლისთვის წარსადგენი დოკუმენტაციის ჩამონათვალი, ელექტრონული რეგისტრაციის შემდეგ, ასეთია:
- მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას;
- მოსწავლის დაბადების მოწმობის ან პირადობის დამადასტურებელი დოკუმენტის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში).
- „მშობელი ხარ და დაიღალე შეხსენებით: „იმეცადინე“, „დაწერე“, „დავალება შეასრულე“? – მათემატიკის პედაგოგის გამოწვევა მშობლებს by განათლებული ბლოგი
- შვილი 6 წლის არ არის და სკოლაში შეგყავთ? – მოუსმინეთ ამ გზაზე გამოცდილ მშობლებს და სპეციალისტის მითითებებს by ARIS.GE-განათლება
- ბარათი მშობელს – რა არის სწორი და რა არა მოზარდთან კომუნიკაციისას by მოსწავლის მშობელს