პრემიერ-მინისტრი XII კლასელებს: მჯერა, თქვენს სათქმელს იტყვით
საქართველოს პრემიერ-მინისტრი მე-12 კლასის მოსწავლეებს სკოლის დამთავრებას ულოცავს:
“დღეს, საქართველოს სკოლებში ბოლო ზარი დაირეკება. დღეს უამრავი ახალგაზრდა თავისი ცხოვრების პირველი ეტაპის დამთავრებას, პირველ წარმატებას აღნიშნავს.
დარწმუნებული ვარ, ცხოვრების ეს ახალი ეტაპი გახდება თქვენი მომავალი წარმატებებისა და წინსვლის საფუძველი. მჯერა, რომ ჩვენი ქვეყნისა და საზოგადოების ცხოვრებაში თქვენ ახალგაზრდული სულისკვეთებით თქვენს სათქმელს იტყვით.
მინდა ყველამ იცოდეთ, რომ საქართველოს მთავრობა ყველაფერს აკეთებს იმისათვის, რომ გქონდეთ ყველა შესაძლებლობა, გამოიყენოთ თქვენი ინდივიდუალური რესურსები, მიიღოთ განათლება, გახდეთ კონკურენტუნარიანი, სხვადასხვა სფეროს პროფესიონალები და ემსახუროთ ჩვენს ქვეყანას.
გილოცავთ ყველას დღევანდელ დღეს, გისურვებთ თქვენი მიზნებისა და სურვილების ასრულებას!”, – წერია მილოცვის ტექსტში, რომელიც მთავრობის ადმინისტრაციამ დღეს გამოაქვეყნა.
ამავე თემაზე:
- „რა უნდა მოეთხოვებოდეს სკოლას“ – ილია ჭავჭავაძე მოსწავლის წვრთნასა და სწავლაზე, პედაგოგიის საფუძვლებზე by ARIS.GE-განათლება
- „პედაგოგი მშობლის წერილი პირველკლასელ შვილს“ – შენი გასაკეთებელი შენ უნდა გააკეთო! by განათლებული ბლოგი
- „60 საჯარო სკოლის სრული რეაბილიტაცია სექტემბერ-ოქტომბერში დასრულდება“ – პრემიერ-მინისტრის განცხადება by ARIS.GE-განათლება