პროექტი ,,ბიზნეს ანბანი’’ მოსწავლეების ახალი ნაკადის მისაღებად ემზადება

შავი ზღვის საერთაშორისო უნივერსიტეტის ბიზნესისა და ტექნოლოგიების ფაკულტეტის სტუდენტური პროექტი ,,ბიზნეს ანბანი” მოსწავლეთა ახალი ნაკადის მისაღებად ემზადება. ტრენინგები 11-15 ოქტომბერს, ონლაინრეჟიმში წარიმართება და მათში მონაწილეობის მიღება უფასოა.

სწავლების შემდეგ მონაწილეებს ჩაუტარდებათ ონლაინქვიზი და გამოვლინდება 3 გამარჯვებული. თითოეულ მათგანს საჩუქრად ილუზიების მუზეუმის 2 მოსაწვევი და ,,ბიბლუსის’’ ვაუჩერი გადაეცემა:

1-ლი ადგილი – 70 ლარიანი ვაუჩერი
მე-2 ადგილი – 50 ლარიანი ვაუჩერი
მე-3 ადგილი – 30 ლარიანი ვაუჩერი

ამას გარდა, ტრენინგის მონაწილეებს გადაეცემათ სერტიფიკატები, რომლებიც შავი ზღვის უნივერსიტეტში ჩაბარების შემთხვევაში, მათ 10%-იანი გრანტით უზრუნველყოფს.

პროექტი ,,ბიზნეს ანბანი” 2014 წლიდან ფუნქციონირებს. მისი საშუალებით, მე-10, მე-11 და მე-12 კლასის მოსწავლეები მიიღებენ ცოდნას ბიზნესის სხვადასხვა მიმართულების, კერძოდ, მარკეტინგის, ფინანსების, მენეჯმენტის, ბუღალტერიისა და ტურიზმის შესახებ.

ტრენინგებზე დასწრების მსურველებმა სარეგისტრაციო ფორმა 10 ოქტომბრამდე უნდა შეავსონ.

შავი ზღვის საერთაშორისო უნივერსიტეტის სხვა ამბები