ქართული ენა და ლიტერატურა და ლიტერატურა – აბიტურიენტის რა ცოდნა შემოწმდება ამ საგნების ტესტებით

ქართული ენა და ლიტერატურა 2025 წლის აბიტურიენტებისთვის სავალდებულო საგანია და პირველ გამოცდასაც სწორედ ქართულში ჩააბარებენ. ლიტერატურა კი ერთ-ერთი არჩევითი საგანია, რომელსაც აბიტურიენტების ერთი ნაწილი აბარებს.

შეფასებისა და გამოცდების ეროვნული ცენტრის მიერ განსაზღვრულია რა მოთხოვნები აქვს ტესტს გამოსაცდელისადმი და რა ცოდნას შეამოწმებს ქართულის ტესტებში მოსული დავალებები:

რა მოეთხოვება აბიტურიენტს ქართულ ენასა და ლიტერატურაში:

– დასმული პრობლემის გააზრება და ანალიზი;

– არგუმენტების ლოგიკურად, დამაჯერებლად ჩამოყალიბება და შესაბამისი მაგალითებით გამყარება;

– ლიტერატურული ნაწარმოების (ან მისი ნაწილის) ანალიზი;

– ლიტერატურული ტექსტისადმი ინდივიდუალური დამოკიდებულების გამოვლენა;

– მწერლის ენის, სტილის ძირითადი თავისებურებებისა და გამომსახველობითი საშუალებების სწორად აღქმა და გააზრება;

– ენის გამომსახველობით საშუალებათა (როგორც ლექსიკურის, ისე გრამატიკულის) ადეკვატური გამოყენება.

რა მოწმდება ქართული ენისა და ლიტერატურის საგამოცდო ტესტით:

– ტექსტის რედაქტირების უნარი;

– საგამოცდო პროგრამით გათვალისწინებული და არასაპროგრამო მხატვრული ტექსტების გააზრებისა და ანალიზის უნარი;

– საგამოცდო პროგრამით გათვალისწინებული მასალის გამოყენების უნარი;

– ინფორმაციის გააზრების, ანალიზის, განზოგადებისა და დასკვნის გამოტანის უნარი;

– დამოუკიდებელი, კრიტიკული აზროვნების უნარი;

– წერითი მეტყველების უნარი თანამედროვე სალიტერატურო ენის ნორმების დაცვით. 2. ლიტერატურა აბიტურიენტს მოეთხოვება:

– ნაწარმოების თემისა და იდეის, მოტივების, ცალკეული დიალოგებისა თუ მონოლოგების, მხატვრული სახეების, სიტუაციის, კოლიზიის არსისა და პერსონაჟთა ქცევის მოტივაციის ადეკვატური გააზრება;

– ლიტერატურული ტექსტის ცალკეულ კომპონენტთა და სხვადასხვა მხატვრულ ნაწარმოებს შორის კავშირების დამყარება; მათ შორის მსგავსებებისა და განსხვავებების მიგნება და შედარებითი ანალიზი;

– მწერლის ენის, სტილის ძირითადი თავისებურებებისა და გამომსახველობითი საშუალებების სწორად აღქმა და გააზრება;

– ლიტერატურული ტექსტისადმი ინდივიდუალური დამოკიდებულების გამოვლენა;

– ტექსტში აღწერილ მოვლენათა ისტორიული კონტექსტის გააზრება;

– ტექსტებში აღწერილი რეალიების, ტოპონიმების (გეოგრაფიულ ადგილთა სახელების) ცოდნა;

– საგამოცდო პროგრამით გათვალისწინებულ მწერალთა ბიოგრაფიების ძირითადი მომენტების ცოდნა.

რა მოწმდება ლიტერატურის საგამოცდო ტესტით:

– საგამოცდო პროგრამაში შეტანილ ნაწარმოებთა სიუჟეტების (მოვლენების, ფაქტებისა და მათი თანამიმდევრობის) ცოდნა;

– პერსონაჟების შესახებ ტექსტში მოცემული ინფორმაციის (პორტრეტი, თავგადასავალი, ავტორისეული დახასიათება და სხვ.) ცოდნა;

– სხვადასხვა მხატვრულ ნაწარმოებს შორის მსგავსებებისა და განსხვავებების მიგნებისა და შედარებითი ანალიზის უნარი;

– ინფორმაციის გააზრების, ანალიზის, განზოგადებისა და დასკვნის გამოტანის უნარი;

– დამოუკიდებელი, კრიტიკული აზროვნების უნარი;

– წერითი მეტყველების უნარი თანამედროვე სალიტერატურო ენის ნორმების დაცვით.

ასევე იხილეთ:

როგორ დავწეროთ თხზულება? – წერითი დავალების მაღალქულიანი ნიმუში და სპეციალისტის მითითებები აბიტურიენტებს (ვიდეო)

„ქართულის რედაქტირების დავალებაში თუ ამ შეცდომას დაუშვებთ, ნაწერი არ შეფასდება“ – გაფრთხილება აბიტურიენტებს

განახლებადი ინფორმაცია გამოცდების შესახებ

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე