ქართველებმა ევროპის მე-5 ახალგაზრდულ ოლიმპიადაზე ინფორმატიკაში ბრინჯაოს მედლები მოიპოვეს

კომაროვის სკოლის მოსწავლემ ნინო ჩხაიძემ (#38) და ქუთაისის ფიზიკა-მათემატიკის N41 სკოლის მოსწავლემ თარაშ დოლაბერიძემ (#49) საქართველოს ნაკრების შემადგენლობაში ევროპის მე-5 ახალგაზრდულ ოლიმპიადაზე (რუმინეთი) ინფორმატიკაში ბრინჯაოს მედლები მოიპოვეს.

ამ ოლიმპიადაზე საქართველო დაარსებიდან, 2017 წლიდან მონაწილეობს. ევროპის ინფორმატიკის ახალგაზრდული ოლიმპიადა მნიშვნელოვანი საერთაშორისო ღონისძიებაა, რომლის მიზანია საინფორმაციო ტექნოლოგიების განვითარება ევროსაბჭოს წევრ ქვეყნებში.

ვულოცავთ მოსწავლეებს, მათ მშობლებს, ნაკრების ხელმძღვანელებს, პედაგოგებს და წარმატებებს ვუსურვებთ!