„ქრისტიანობის სახელმწიფო რელიგიად გამოცხადება – ქვეყნის პოლიტიკური ვექტორი“ – გორის სახელმწიფო უნივერსიტეტში ლექცია გაიმართა

საქართველოში ქრისტიანობის სახელმწიფო რელიგიად გამოცხადებიდან 1 700 წელი სრულდება. აღნიშნულ იუბილესთან დაკავშირებით, 15 მაისს, გორის სახელმწიფო უნივერსიტეტში საჯარო ლექცია, თემაზე – „ქრისტიანობის სახელმწიფო რელიგიად გამოცხადება – ქვეყნის პოლიტიკური ვექტორი“ გაიმართა.

უნივერსიტეტის მიერ გამოქვეყნებული ინფორმაციით, ლექციას გორის უნივერსიტეტის ასოცირებული პროფესორი დავით ჩოჩიშვილი უძღვებოდა.

შეხვედრას პროფესორ-მასწავლებლები და სტუდენტები ესწრებოდნენ. ლექციის დასასრულს დისკუსია გაიმართა.

„ეს საიუბილეო თარიღი ქართველი ხალხის სულიერი, ისტორიული და სახელმწიფოებრივი თვითმყოფადობის განმსაზღვრელ, უმნიშვნელოვანეს მოვლენას წარმოადგენს“, – აცხადებენ გორის სახელმწიფო უნივერსიტეტში.

უნივერსიტეტის სხვა ამბები