ქუთაისში კორონავირუსის გამოვლენის მიზეზით 4 საბავშვო ბაღი დაიხურა

ქუთაისში, COVID-19-ის გავრცელების გამო, სააღმზრდელო პროცესი შეჩერებულია მე-13, მე-7, 36-ე და 1-ელ ბაგა-ბაღებში.

როგორც EDU.ARIS.GE-ს ჟურნალისტს ა(ა)იპ ბაგა-ბაღების გაერთიანების მმართველმა დავით წიტაიშვილმა დღეს, 7 ოქტომბერს განუცხადა, კორონავირუსის დაფიქსირების მიზეზით, ასევე სწავლა შეწყდა მე-17 და მე-11 ბაღის რამდენიმე ჯგუფში.

ქუთაისში სულ 7 800 აღსაზრდელი ირიცხება. ქალაქში ბაგა-ბაღების 37 ფილიალი ფუნქციონირებს.

სასწავლო პროცესი სააღმზრდელო დაწესებულებებში 4-ოქტომბრიდან განახლდა.

ცნობისთვის, საქართველოში 12-15 წლის ასაკის ბავშვების ვაქცინაცის შესახებ გადაწყვეტილება გადაწყვეტილება იმუნიზაციის საბჭომ დღეს მიიღო და მისი თანახმად, ამ ეტაპზე 12-დან 15 წლამდე ასაკობრივ ჯგუფში ბავშვების აცრის რეკომენდაცია მხოლოდ ქრონიკული დაავადების მქონე ბავშვების შემთხვევაში გაიცემა.

ასევე იხილეთ:

ცნობილია ვისთვის განახლდება სასწავლო პროცესი 4 ოქტომბრიდან დასწრებულ რეჟიმში – საბჭოს გადაწყვეტილება

მოამზადა ჟუკა ბანძელაძემ