რა პრობლემა აქვს საქართველოში პროფესიულ განათლებას და რა შეიძლება იყოს გამოსავალი – სპეციალისტის პასუხი

“პროფესიულ განათლებაში სახელმწიფოს უჭირს კავშირის გაბმა დამსაქმებელს, განათლებაში ჩართულ ადამიანებსა და განათლების მიმწოდებლებს შორის”,  – ამბობს პროფესიული განათლების შესახებ დასმულ კითხვაზე პასუხად განათლების მკვლევარი სიმონ ჯანაშია საკუთარ ვიდეო ბლოგში.

მისი აზრით პროფესიულ განათლებაში, ზოგად განათლებასთან შედარებით უფრო ნაკლებაც ცენტრალიზებული მართვაა იმიტომ, რომ აქ ბევრი კერძო მოთამაშეა, თუმცა პროფესიულ განათლებას სხვა პრობლემები აქვს და გასათვალისწინებელია ისიც, რომ ევროკავშირის გარეშე პროფესიული გნათლების ხარისხი ვერ მაღლდება.

“ერთ-ერთი ძირთადი პრიორიტეტი ბოლო წლების არის ის, რომ პროფესიულ განათლებაში შეიქმნას ე.წ. დუალური პროგრამების სისტემა და ეს დუალური პროგრამების სისტემა კარგად მაშინ მუშაობს, როცა არსებობს ფინანსური წახალისება ამ სისტემისა. მაგალითად, როდესაც დამსაქმებელს ახალისებ, რომ აიყვანოს/დაასაქმოს პროფესიულ განათლებაში ჩართული ადამიანი იმის პარალელურად, რომ ის სწავლობს პროფესიულ პროგრამაზე. მნიშვნელოვანია, რომ ეს წახალისებული იყოს, რათა დამსაქმებელს უღირდეს ასეთი ადამიანის აყვანა. მაგალითად, შეიძლება დასაქმებულის ხელფასის სუფსიდირება ხდებოდეს, ან სამაგიეროდ დამსაქმებელი ჩართული იყოს პროგრამების შეფასებაში ან შემუშავებაში.

ასევე იხილეთ:

„სახელმწიფო პროფესიული განათლების განხორციელებაში თანაინვესტორი გახდება“ – რას გულისხმობს ახალი ხედვა