სიახლეები 2023 წლის მასწავლებელთა საგნისა და პროფესიული უნარების გამოცდებზე – დეტალები და დავალების ნიმუშები გამოქვეყნდა
![](https://edu.aris.ge/news/wp-content/uploads/2018/12/maswavlebelta-sasertifikati-gamocda-batumi-458x257.jpg)
დღეს, 29 დეკემბერს, შეფასებისა და გამოცდებისა და გამოცდების ეროვნული ცენტრი იმ სიახლეების შესახებ აქვეყნებს ინფორმაციას, რომელიც 2023 წლის მასწავლებელთა საგნისა და პროფესიული უნარების გამოცდების კუთხით განისაზღვრა:
მასწავლებელთა საგნისა და პროფესიული უნარების გამოცდები 2023 – პროგრამები საგნების მიხედვით
2023 წელს მცირეოდენი ცვლილებები იგეგმება პედაგოგებისათვის განკუთვნილ გეოგრაფიისა და ასევე ინფორმაციული და საკომუნიკაციო ტექნოლოგიების საგამოცდო ტესტებში.
სიახლე პედაგოგებისათვის განკუთვნილ საგამოცდო ტესტებში:
გეოგრაფიის გამოცდა
გეოგრაფიის მასწავლებლების ტესტში ტოპოგრაფიული რუკის ანალიზის დავალება დაიშლება 1 და 2 ქულიან რამდენიმე კითხვად. მასწავლებლებისთვის უფრო კომფორტული გახდება ტესტზე მუშაობა, რადგან მათ აღარ დაურიგდებათ A3-ის ფორმატის ტოპოგრაფიული რუკა, თითოეულ კითხვას ელექტრონულ ბუკლეტშივე მიმაგრებული ექნება ტოპოგრაფიული რუკის მცირე ზომის ფრაგმენტი. რუკის ნაცვლად ამ ფრაგმენტის დახმარებითაც შესაძლებელი იქნება კითხვაზე პასუხის გაცემა.
კომპიუტერული ტექნოლოგიების საგნის მასწავლებლის გამოცდა
2023 წლის კომპიუტერული ტექნოლოგიების საგნის გამოცდის მიმართულებით დაგეგმილია შემდეგი ცვლილებები: შეიცვლება გამოცდის სახელწოდება, კერძოდ, „ინფორმაციული საკომუნიკაციო ტექნოლოგიების საგნის მასწავლებლის გამოცდას“ დაერქმევა „კომპიუტერული ტექნოლოგიების საგნის მასწავლებლის გამოცდა“. რაც შეეხება საგამოცდო პროგრამას, მასში არსებულ შვიდ საკითხს, დაემატება მერვე თავი – ვიზუალური პროგრამირების საკითხები. ვიზუალური პროგრამირებისთვის შეთავაზებული იქნება პროგრამა Scratch-ის გარემო. პროგრამაში მოცემული თემატიკა შესაძლოა შევიდეს გამოცდის როგორც პრაქტიკულ, ისე თეორიულ ნაწილში. ტესტის მოცულობა და გამოცდის ხანგრძლივობა უცვლელია.
პრაქტიკული ნაწილის დავალებათა ნიმუშები
თეორიული ნაწილის დავალებათა ნიმუშები
წამყვანი და მენტორი მასწავლებლობის მსურველთა გამოცდა პროფესიულ უნარებში
2023 წელს გამოცდის ხანგრძლივობა იქნება 5 საათი.
იხილეთ რეკომენდირებული ლიტერატურა, რომელიც გამოქვეყნებულია მასწავლებელთა პროფესიული განვითარების ეროვნული ცენტრის მიერ.
სპეციალური მასწავლებლის გამოცდასთან დაკავშირებით ინფორმაცია გამოქვეყნდება მოგვიანებით.
გამოცდების ცენტრი განმარტავს, რომ სპეციალური მასწავლებლის გამოცდასთან დაკავშირებით ინფორმაცია გამოქვეყნდება მოგვიანებით.
-
მასწავლებლის გამოცდების შედეგები ყველა საგანში გამოქვეყნდა – გამოცდები 2024 by სიახლეები პედაგოგთა გამოცდებზე
-
უცხოურ ენებში მასწავლებლის გამოცდების შედეგები და სწორი პასუხები ცნობილია – გამოცდები 2024 by სიახლეები პედაგოგთა გამოცდებზე
-
გამოქვეყნდა მასწავლებლის გამოცდების შედეგები დაწყებით საფეხურსა და ხუთ სხვა საგანში – გამოცდები 2024 by სიახლეები პედაგოგთა გამოცდებზე