საბაუნიში 2025-2026 შემოდგომის სემესტრის სტიპენდიატების გამოვლენა დაიწყო

სულხან-საბა ორბელიანის უნივერსიტეტის შემოდგომის სემესტრის შიდასაუნივერსიტეტო სტიპენდიებზე განაცხადების მიღება დაიწყო.

უნივერსიტეტის მიერ დღეს, 8 ოქტომბერს გამოქვეყნებული ინფორმაციით, სტიპენდიატების გამოვლენა შემდეგი კრიტერიუმების მიხედვით მოხდება:

აკადემიური მოსწრება – 65 ქულა

აკადემიური მოსწრების კომპონენტი ნაწილდება ორად: ინგლისური ენა, რომელიც იკავებს 65 ქულიდან 35 ქულას, ხოლო დანარჩენი 30 ქულა ეთმობა სხვა სასწავლო კურსებში მიღებულ შეფასებებს.

კურიკულუმსგარე აქტივობები – 35 ქულა

აქტივობად, სტიპენდიის გაცემის მიზნებისთვის, ითვლება:

• ფაკულტეტის ინიციატივით სხვადასხვა ღონისძიებში (როგორიცაა საჯარო ლექცია, კონფერენცია, ტრენინგი, სემინარი, ოლიმპიადა და სხვა დაგეგმვა-განხორციელებაში) მონაწილეობა;
• სტატიის გამოქვეყნება;
• უნივერსიტეტის PR აქტივობებში მონაწილეობა;
• სკოლებთან, დამსაქმებლებთან და სხვა დაწესებულებებთან კავშირების დამყარება;
• და სხვა კულტურულ-საგანმანათლებლო ხასიათის ღონისძიება, რომელშიც მონაწილეობს საბაუნის სტუდენტი.

სტიპენდიატობის მსურველებმა შესაბამისი ფორმა 13 ნოემბრის ჩათვლით უნდა შეავსონ.

იხილეთ: დეტალური ინფორმაცია და სტიპენდიის გაცემის წესი

უნივერსიტეტის სხვა ამბები