საგამოცდო ბარათების ამობეჭდვა 20 ივნისიდან იქნება შესაძლებელი – 5 რჩევა გამოსაცდელებს NAEC- ისგან

საგამოცდო ბარათების ამობეჭდვა ხვალიდან, 20 ივნისიდან იქნება შესაძლებელი.

ამის შესახებ ინფორმაცია დღეს, 19 ივნისს, შეფასებისა და გამოცდების ეროვნულმა ცენტრმა გამოაქვეყნა და აბიტურიენტებს რჩევებიც მისცა:

რა უნდა ვიცოდეთ საგამოცდო ბარათების შესახებ

5 რჩევა გამოსაცდელებს:

– საგამოცდო ბარათზე მითითებულია ინფორმაცია გამოცდის თარიღის, ადგილისა და რეგისტრაციის დაწყების თაობაზე;

– დაკარგვის შემთხვევაში, საგამოცდო ბარათი შეგიძლიათ ნებისმიერ დროს ამობეჭდოთ თქვენი სარეგისტრაციო გვერდიდან (online.naec.ge);

– საგამოცდო ბარათი შეგიძლიათ დაბეჭდოთ შავ-თეთრად. მნიშვნელოვანია, რომ მკაფიოდ იკითხებოდეს;

– შესაძლებელია ბარათის გადაკეცვა, თუმცა ისე, რომ არ დაზიანდეს მასზე დატანილი შტრიხკოდი;

საგამოცდო ბარათის ნიმუში

“და ბოლოს, შეგახსენებთ, რომ ყურადღებით გაეცნოთ ბარათზე მითითებულ ინფორმაციას, რადგან დაგვიანების შემთხვევაში, ან სხვა დღეს გამოცხადებისას გამოცდაზე აღარ დაიშვებით.
შეფასებისა და გამოცდების ეროვნული ცენტრი გისურვებთ წარმატებას!”, – წერია ინფორმაციაში.

ასევე იხილეთ:

განახლებადი ინფორმაცია გამოცდების შესახებ

საგამოცდო ბარათების ამობეჭდვის დრო და ინსტრუქცია ყველა გამოსაცდელისთვის – გამოცდები 2025

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე