საგამოცდო პროცესის უხეშად დარღვევისათვის გამოცდებიდან 1 აბიტურიენტი მოიხსნა
საგამოცდო პროცესის უხეშად დარღვევისათვის გამოცდებიდან 1 აბიტურიენტი მოიხსნა. როგორც Aris.ge-განათლებას შეფასებისა და გამოცდების ეროვნულ ცენტრში განუმარტეს დარღვევა ზოგადი უნარების გამოცდაზე მოხდა.
კერძოდ, აბიტურიენტს მარჯვენა ხელის მოტეხილობის გამო, ზოგადი უნარების გამოცდაზე ერთი საათი დაემატა. აბიტურიენტს შეუქმნეს ყველა საჭირო პირობა. დაკვირვების შემდეგ გაჩენილი ეჭვის გამო, ცენტრმა ქართული ენისა და ლიტერატურის გამოცდის ვიდეოჩანაწერი გადაამოწმა, რომლითაც დადასტურდა, რომ აღნიშნული აბიტურიენტი არის ცაცია და ქართული ენისა და ლიტერატურის გამოცდაზე მარცხენა ხელით იმუშავა.
“აღმოჩნდა, რომ აბიტურიენტი არის ცაცია, რაც დასტურდება ვიდეოჩანაწერით, სადაც ჩანს, რომ მოტეხილობამდე ქართული ენისა და ლიტერატურის გამოცდაზე იმუშავა მარცხენა ხელით.”,- აცხადებენ გამოცდების ეროვნულ ცენტრში.
გამოცდიდან მოხსნის შესახებ აბიტურიენტს ინფორმაცია უკვე მიაწოდეს.
ცნობისთვის, დღეს საერთო სამაგისტრო გამოცდა დაიწყო. დარეგისტრირებული აპლიკანტებიდან გამოცდაზე არ გამოცხადდა მაგისტობის მსურველი კანდიდატების 8%. დაფიქსირდა დაგვიანების 1 შემთხვევა.
-
რამდენია თანამდებობრივი სარგოები განათლების სამინისტროში თანამდებობების მიხედვით – განკარგულება განახლდა
by ARIS.GE-განათლება
-
სახელთა კუმშვასა და კვეცასთან დაკავშირებული მართლწერის საკითხები და სავარჯიშოები მეცადინეობისათვის
by გრამატიკული ცნობარი
-
ვასწავლოთ და ვისწავლოთ ასო-ბგერები „ბ“, „გ“, „დ“, „თ“, „კ“, „უ“, „ღ“, „ს“, „ხ“ – მასწავლებლის 9 პრეზენტაცია
by განათლებული ბლოგი