SANGU-ში პროექტი – „აღმოაჩინე შენი პროფესია – ბიზნესის ადმინისტრირება“ მიმდინარეობს

წმ. ანდრიას ქართულ უნივერსიტეტში, პროექტი – „აღმოაჩინე შენი პროფესია – ბიზნესის ადმინისტრირება“ დაიწყო.

უნივერსიტეტის მიერ გამოქვეყნებული ინფორმაციით, 23 თებერვალს, თემაზე – „ბიზნეს ქეისები, მარკეტინგი და მედიის როლი“, პირველი შეხვედრა გაიმართა.

შეხვედრას BMG-ის ავტორი და გენერალური პროდიუსერი გიორგი ისაკაძე გაუძღვა.

მოსწავლეებმა მოისმინეს რეალური ბიზნეს ქეისები, იმსჯელეს მარკეტინგის თანამედროვე ტენდენციებს და მედიის როლზე ეკონომიკაში. შეხვედრა ინტერაქტიული იყო და მონაწილეებს შესაძლებლობა ჰქონდათ, დაესვათ კითხვები და დისკუსიაში ჩართულიყვნენ.

პროექტი გრძელდება და წინ კიდევ საინტერესო თემები გელოდებათ:

• 24 თებერვალი – „ბანკები და ფინანსური ინსტიტუტები საქართველოში“;
• 25 თებერვალი – „როგორ ვაკეთოთ წარმატებული ბიზნესი“.

წმ. ანდრიას ქართული უნივერსიტეტი მადლობას უხდის პროექტის მონაწილე ყველა მოსწავლეს აქტიური ჩართულობისთვის.

უნივერსიტეტის სხვა ამბები