საუკეთესო სპეცმასწავლებლის გამოსავლენად კონკურსი გამოცხადდა – საჭირო დოკუმენტები და ვადები

2021 წლის საუკეთესო სპეციალური მასწავლებელი – ამ ტიტულის მისაღებად კონკურსში ჩაბმა შეუძლია საქართველოს საჯარო და კერძო სკოლების სპეციალურ მასწავლებლებს ასაკისა და პედაგოგიური სტაჟის მიუხედავად.

სპეცმასწავლებლებმა, 2021 წლის 16 ნოემბრიდან – 2021 წლის 26 ნოემბრის ჩათვლით, უნდა წარადგინოს: რეზიუმე (CV); წერილობით ან ვიდეო ჩანაწერით გადმოცემული სამოტივაციო, რომელშიც სპეციალური მასწავლებელი წარადგენს მისი მუშაობის უპირატესობებს, კონკურსში მონაწილეობის მოტივაციას, აღწერს მის სამუშაო გარემოსა და მოსწავლეების საჭიროებებს.

აღნიშნული დოკუმენტაცია სპეცმასწავლებელმა უნდა გადაგზავნოს შემდეგ მისამართზე: [email protected]

მასწავლებლის სახლის განმარტებით, კონკურსი მასწავლებლის პროფესიის პოპულარიზაციის, პრესტიჟის ზრდის, წარმატებული პედაგოგიური პრაქტიკის გამოვლენისა და საზოგადოებისათვის საუკეთესო მასწავლებლების წარდგენის მიზნით ტარდება და მას მხოლოდ ერთი გამარჯვებული ეყოლება.

მოამზადა რუსკა ადვაძემ