შავი ზღვის საერთაშორისო უნივერსიტეტი გაიყიდა – რას წერს საკითხზე უნივერსიტეტის ყოფილი რექტორი
![](https://edu.aris.ge/news/wp-content/uploads/2023/10/ibsu-458x257.jpg)
ორ ოქტომბერს ცნობილი გახდა, რომ შავი ზღვის საერთაშორისო უნივერსიტეტი $10 მილიონად გაიყიდა და მისი ახალი მფლობელები არიან კახა შენგელია, „კავკასიის უნივერსიტეტის“ პრეზიდენტი და გია კავთელიშვილი საქართველოს ეროვნული უნივერსიტეტის (SEU) რექტორი.
შავი ზღვის საერთაშორისო უნივერსიტეტის რექტორი კახა შენგელია იქნება. ამის თაობაზე უნივერსიტეტთან დაკავშირებული მიმდინარე სიახლეების შესახებ საკუთარ განცხადებაში წერს უნივერსიტეტის უკვე ყოფილი რექტორი, საფფეთ ბაირაქთუთანი, რომელიც რექტორის მოადგილის პოზიციაზე რჩება და ამბობს, რომ უმაღლესი საგანმანათლებლო დაწესებულება მთლიანად გადავიდა ქართული მხარის მფლობელობაში.
“დღეიდან აღარ ვიკავებ რექტორის პოზიციას. აღნიშნული გადაწყვეტილება გამომდინარეობს იქიდან, რომ უნივერსიტეტს შეეცვალა დამფუძნებლები და პარტნიორები და მთლიანად გადავიდა ქართული მხარის მფლობელობაში. რექტორის პოზიციას დაიკავებს ყველასათვის ცნობილი, ბ-ნი კახა შენგელია. გარწმუნებთ, რომ უნივერსიტეტი თავის საქმიანობას გააგრძელებს და მჯერა, რომ ჩვენი უნივერსიტეტი ახალი მენეჯმენტითა და ხედვებით გაცილებით გაძლიერდება და განვითარდება”, – წერს საფფეთ ბაირაქთუთანი.
ორ ოქტომბერს, ბიზნეს რეესტრში ასახული ინფორმაციის თანახმად, უნივერსიტეტის 100%-იანი წილიდან შავი ზღვის საერთაშორის უნივერსიტეტის 51%-ის მფლობელი გია კავთელიშვილია, კახა შენგელიას კი წილის 49% ეკუთვნის.
-
აბიტურიენტი: „გამოცდაზე დარიგებული რუკების წამოღება და ჩემი სკოლისთვის ჩუქება მომინდა“ by სიახლეები მისაღებ გამოცდებზე
-
„ბევრი პედაგოგი სკოლიდან წასვლაზე დაფიქრდება“ – ორად გაყოფილი პოზიცია გორის საგამოცდო ცენტრიდან და პროგნოზები სახელფასო პოლიტიკაზე by ARIS.GE-განათლება
-
2024 წლის აბიტურიენტის ცნობარში ცვლილებები შევიდა by სიახლეები მისაღებ გამოცდებზე