შავი ზღვის საერთაშორისო უნივერსიტეტი გერმანელ პროფესორებს მასპინძლობს

შავი ზღვის საერთაშორისო უნივერსიტეტი გერმანელ პროფესორებს მასპინძლობს. ცვიკაუს (გერმანია) გამოყენებითი მეცნიერების უნივერსიტეტის პროფესორები ქრისტიან ბრაუვეილერი და სვენ ჰელბახი იბსუ-ს რექტორს, საფფეთ ბაირაქთუთანს შეხვდნენ.

შეხვედრაზე განიხილეს ერთობლივი პროექტები, რომელიც უნივერსიტეტებს შორის უკვე განხორციელდა და მომავალში იგეგმება.

გერმანელმა სტუმრებმა კომპიუტერული მეცნიერებების საბაკალავრო და სამაგისტრო პროგრამების სტუდენტებისთვის ონლაინ ლექცია ჩაატარეს თემებზე: რობოტიკა და ხელოვნური ინტელექტი და გამოწვევები კომუნიკაციაში.

დოქ. კრისტიან ბრაუვეილერი არის ბიზნესის ადმინისტრირების პროფესორი, მენეჯერული ბუღალტერიის და შიდა აუდიტის მიმართულებით. დოქ. სვენ ჰელბახი კი კომპიუტერული მეცნიერების/ინტელექტუალური სისტემების პროფესორია.

შავი ზღვის საერთაშორისო უნივერსიტეტი ცვიკაუს გამოყენებითი მეცნიერების უნივერსიტეტთან 2015 წლიდან თანამშრომლობს.

შავი ზღვის საერთაშორისო უნივერსიტეტის სხვა ამბები