„შექმენი IBSU-ს ანიმაციური პერსონაჟის“ გამარჯვებული გამოვლინდა

შავი ზღვის საერთაშორისო უნივერსიტეტის საზოგადოებასთან ურთიერთობის დეპარტამენტის მიერ ინიცირებული პროექტი “შექმენი IBSU-ს ანიმაციური პერსონაჟი” დასრულდა.

უნივერსიტეტის მიერ გამოქვეყნებული ინფორმაციით, კონკურსში, რომელიც ითვალისწინებდა უნივერსიტეტის ანიმაციური პერსონაჟის (თილისმის) ვექტორული ფაილის შექმნას, 9 სტუდენტი მონაწილეობდა.

იბსუ-ს სტუდენტთა და ადმინისტრაციის ერთობლივი გადაწყვეტილებით, გამარჯვებული გახდა უნივერსიტეტის ფინანსების პროგრამის მესამე კურსის სტუდენტი სერგო შაგინოვი.

სერგო შაგინოვს უნივერსიტეტის კანცლერი ექრემ დინდაროლი შეხვდა, წარმატება მიულოცა და პრიზი გადასცა. იბსუ-მ გამარჯვებულს “Motion Design”-ის ორთვიანი სასწავლო კურსი დაუფინანსა.

შავი ზღვის საერთაშორისო უნივერსიტეტის სხვა ამბები