სკოლებსა და ბაღებში ზამთრის არდადეგები 30 დეკემბრიდან იწყება – ვადები

საქართველოს საგანმანათლებლო დაწესებულებების ნაწილში ზამთრის არდადეგები სულ რამდენიმე დღეში იწყება. საჯარო საბავშვო ბაღებსა და სკოლებში 2023 წლის ბოლო სააღმზრდელო/სასწავლო დღე 29 დეკემბერია.

როგორც დღეს EDU.ARIS.GE-ს განათლებისა და მეცნიერების სამინისტროში დაუზუსტეს, მიმდინარე, 2023-2024 სასწავლო წლის ზამთრის არდადეგები 30 დეკემბრიდან დაიწყება და მომავალი წლის 14 იანვარს დასრულდება, შესაბამისად, საჯარო სკოლებში სწავლა 15 იანვრიდან უნდა განახლდეს.

რაც შეეხება კერძო სკოლებს, არდადეგების დაწყება დასრულების თარიღს ისინი ინდივიდუალურად განსაზღვრავენ.

ზამთრის არდადეგები იწყება საბავშვო ბაგა-ბაღებშიც. საბავშვო ბაგა-ბაღების აღსაზრდელებიც, სკოლის მოსწავლეების მსგავსად, 30 დეკემბრიდან 14 იანვრის ჩათვლის დაისვენებენ.

არდადეგებთან ერთად, საქართველოს პრემიერ-მინისტრ ირაკლი ღარიბაშვილის გადაწყვეტილებით, უქმე დღეებია გამოცხადებული ადმინისტრაციულ ორგანოებში დასაქმებულთათვის და 2024 წლის 3 იანვრიდან 5 იანვრის ჩათვლით დღეები მათთვის უქმედ განისაზღვრა.

ასევე იხილეთ:

„ძალიან მაღალია ალბათობა, სკოლაში შესულ 5-წლიან ბავშვებს სხვადასხვა პრობლემები ჰქონდეთ“ – რა საფრთხეებზე მიუთითებს დაჩი ნანობაშვილი

მოამზადა მზეო შველიძემ