უფასო ფაკულტეტებისთვის გამოყოფილი თანხის მოცულობები უნივერსიტეტების მიხედვით
![](https://edu.aris.ge/news/wp-content/uploads/2017/08/17098415_1590542724296800_5379943977969498492_n-1-458x257.png)
2017-2018 სასწავლო წელს საქართველოს განათლებისა და მეცნიერების სამინისტროს მიერ უმაღლეს საგანმანათლებლო დაწესებულებებზე პროგრამული დაფინანსების გაცემის წესი და პირობები დამტკიცდა.
2017-2018 სასწავლო წელს პრიორიტეტული პროგრამული მიმართულებებია:
- ა) აგრარული მეცნიერებანი;
- ბ) განათლება;
- გ) ინჟინერია;
- დ) მეცნიერება/საბუნებისმეტყველო მეცნიერებანი;
- ე) სოციალური მეცნიერებები;
- ვ) ჰუმანიტარული მეცნიერებანი;
- ზ) მიმართულებათაშორისი დარგები ან სპეციალობები.
პრიორიტეტული პროგრამული მიმართულებების ფარგლებში, უმაღლესი საგანმანათლებლო დაწესებულება ინდივიდუალური ადმინისტრაციულ-სამართლებრივი აქტით ამტკიცებს ბაკალავრიატის იმ საგანმანათლებლო პროგრამას/პროგრამებს, რომელზეც/რომლებზეც სტუდენტის სწავლის საფასურს სრულად დააფინანსებს სახელმწიფო (შემდგომში – ბაკალავრიატის საგანმანათლებლო პროგრამები), ასევე ინდივიდუალური ადმინისტრაციულ-სამართლებრივი აქტით განსაზღვრავს აღნიშნულ პროგრამებზე ადგილების რაოდენობას.
უმაღლესი საგანმანათლებლო დაწესებულებებისათვის გამოყოფილი პროგრამული დაფინანსების წლიური მოცულობები განისაზღვრება შემდეგი ოდენობებით:
- სსიპ – ივანე ჯავახიშვილის სახელობის თბილისის სახელმწიფო უნივერსიტეტი – 2,756,250 ლარი;
- სსიპ – საქართველოს ტექნიკური უნივერსიტეტი – 4,275,000 ლარი;
- სსიპ – ილიას სახელმწიფო უნივერსიტეტი – 787,500 ლარი;
- სსიპ – აკაკი წერეთლის სახელმწიფო უნივერსიტეტი – 2,182,500 ლარი;
- სსიპ – ბათუმის შოთა რუსთაველის სახელმწიფო უნივერსიტეტი – 1,035,000 ლარი;
- სსიპ – სოხუმის სახელმწიფო უნივერსიტეტი – 450,000 ლარი;
- სსიპ – იაკობ გოგებაშვილის სახელობის თელავის სახელმწიფო უნივერსიტეტი – 517,500 ლარი;
- სსიპ – სამცხე-ჯავახეთის სახელმწიფო უნივერსიტეტი – 720,000 ლარი.
პროგრამული დაფინანსების ფარგლებში გაცემული დაფინანსება უზრუნველყოფს სტუდენტის მიერ ბაკალავრიატის საგანმანათლებლო პროგრამაზე ერთი სასწავლო წლის განმავლობაში საშუალოდ 60 კრედიტის (მაგრამ არაუმეტეს 75 კრედიტის) ათვისებას არაუმეტეს 4 წლის განმავლობაში.
დეტალური ინფორმაცია 2017-2018 სასწავლო წელს საქართველოს განათლებისა და მეცნიერების სამინისტროს მიერ უმაღლეს საგანმანათლებლო დაწესებულებებზე პროგრამული დაფინანსების გაცემის წესისა და პირობების შესახებ იხილეთ დანართში.
ვინ მიიღებს გრანტს სოციალური პროგრამის ფარგლებში – ვადები და პროცედურები
2017 წლის სახელმწიფოს მიერ სრულად დაფინანსებული ფაკულტეტების სია და ადგილები გამოქვეყნდა
სახელმწიფოს მიერ სრულად დაფინანსებულ საგანმანათლებლო პროგრამებს 5 პროგრამა დაემატა
-
რა ხელისშემშლელი ფაქტორები აქვს სკოლებში მოსწავლეთა თვითმმართველობის საქმიანობას – ანგარიში by ARIS.GE-განათლება
-
თანაბრობის პრობლემა ქართული განათლების სისტემაში და გამოსავალი განვითარებისთვის – სიმონ ჯანაშიას მოსაზრება by ARIS.GE-განათლება
-
რამდენი მაქსიმალური ქულა დაიწერა საგნების მიხედვით 2024 წლის ერთიან ეროვნულ გამოცდებზე by სიახლეები მისაღებ გამოცდებზე