უმაღლეს საგანმანათლებლო დაწესებულებებში, საბაკალავრო საფეხურზე სწავლის უფლება 29 481-მა აბიტურიენტმა მოიპოვა – NAEC

შეფასებისა და გამოცდების ეროვნულმა ცენტრმა (NAEC) 25 აგვისტოს, 2026 წლის აბიტურიენტთა უმაღლეს და პროფესიულ საგანმანათლებლო დაწესებულებებში ჩარიცხვის შესახებ ინფორმაცია გამოაქვეყნა.

საბაკალავრო საფეხურზე ისწავლის 29 481 აბიტურიენტი. მათგან, სახელმწიფოს მიერ დაფუძნებულ უმაღლეს საგანმანათლებლო დაწესებულებებში ჩაირიცხა 17 862 აბიტურიენტი, ხოლო კერძო უმაღლეს საგანმანათლებლო დაწესებულებებში – 11 619.

რაც შეეხება პროფესიულ საგანმანათლებლო პროგრამებს, ჩარიცხულთა რაოდენობა შეგიძლიათ იხილოთ აქ.

ქართულ ენაში მომზადების პროგრამაზე ჩაირიცხა 1 528 გამოსაცდელი (სახელმწიფო უმაღლეს საგანმანათლებლო დაწესებულებაში – 1 495, კერძო უმაღლეს საგანმანათლებლო დაწესებულებაში – 33).

შეგახსენებთ, 2026 წლის ერთიან ეროვნულ გამოცდებზე 43 000-ზე მეტი აბიტურიენტი იყო რეგისტრირებული.

ასევე იხილეთ: 

აბიტურიენტთა ჩარიცხვების შესახებ ინფორმაცია გამოქვეყნდა – გამოცდები 2026