ვის დაუფინანსდება უმაღლესში სწავლა ახალი ჩანაწერით – ცვლილება თავდაცვის კოდექსში შევიდა

საქართველოს პრეზიდენტმა ხელი მოაწერა საკანონმდებლო ცვლილებას, რომელიც კონკრეტული პირებისთვის უმაღლეს საგანმანათლებლო დაწესებულებაში სწავლის დაფინანსებას ითვალისწინებს.

კერძოდ, პარლამენტის მიერ მიღებული შესაბამისი გადაწყვეტილებით, ცვლილება განხორციელდა თავდაცვის კოდექსში და მას დაემატა ახალი ჩანაწერი:

2026 წელს წვევამდელთა ეროვნულ სამხედრო სამსახურში გაწვევა ეტაპობრივად განხორციელდება – თარიღები და გასაწვევ პირთა ასაკი

“2025 წელს წვევამდელთა ეროვნულ სამხედრო სამსახურში 11 თვის ვადით გაწვეულ და ჩარიცხულ პირს, რომელიც ამ სამსახურს სრულად დაასრულებს, სამინისტროს ასიგნებებიდან შეიძლება დაუფინანსდეს საქართველოს ავტორიზებულ უმაღლეს საგანმანათლებლო დაწესებულებაში მხოლოდ ერთ − ბაკალავრიატის, მაგისტრატურის/რეზიდენტურის, დოქტორანტურის აკრედიტებულ საგანმანათლებლო პროგრამაზე მის მიერ გადასახდელი სწავლის საფასური არაუმეტეს 2 250 ლარის ოდენობით (გადასახადებისა და საპენსიო შენატანის გარეშე), რომელიც სემესტრების მიხედვით გადანაწილდება (წელიწადში ორჯერ გადაიხდება)“, – წერია მიხეილ ყაველაშვილის მიერ ხელმოწერილ საქართველოს კანონში.

ასევე იხილეთ:

ამ შემთხვევაში წვევამდელი 1000 ლარით დაჯარიმდება – ცვლილება „თავდაცვის კოდექსში“ შედის