აბიტურიენტთა მათემატიკის გამოცდის ორივე ვარიანტი თანაბარი სირთულის იყო
2015 წლის ერთიან ეროვნულ გამცდებზე მათემატიკის არჩევითი საგნის შედეგების გამოქვეყნების შემდეგ უკვე ცნობილია სტატისტიკური ანალიზიც.
შეფასებისა და გამოცდების ეროვნული ცენტრის ცნობით, ტესტური დავალებების ორივე ვარიანტი დაახლოებით ერთნაირი სირთულის იყო, რაც ნიშნავს, რომ აღნიშნულ საგანში ქულებთან დაკავშირებით არაფერი არ შეიცვლება და აბიტურიენტი მხოლოდ იმ შემთხვევაში არ გამოეთიშება კონკურსს, თუ მან მინიმალური 15 ქულა დააგროვა.
შეფასებისა და გამოცდების ეროვნული ცენტრის ინფორმაციით, ტესტის პირველი ვარიანტი 4767-მა აბიტურიენტმა წერა, საიდანაც მინიმალური კომპეტენციის ზღვარი (15 ქულა) 72%-მა გადალახა.
მეორე ვარიანტში კი, 4828 აბიტურიენტიდან ზღვარი გადალახა 73,9%-მა. ჯამში, მათემატიკის გამოცდაზე გასული აბიტურიენტების 73,0%-მა ზღვარი გადალახა.
რაც შეეხება უმაღლეს შეფასებას, 59 ქულა მათემატიკის გამოცდის პირველ ვარიანტში მხოლოდ ორმა აბიტურიენტმა მიიღო, ხოლო მეორე ვარიანტში 11-მა.
გამოცდის საშუალო ქულა 23,83-ით განისაზღვრა, საშუალო სირთულე კი 40,39-ს შეადგენს.
მათემატიკის სტატისტიკური ანალიზი
- რა არის მთავარი ქართულის ტესტში ორი ნაწარმოებიდან ერთის შერჩევისას – 7 რჩევა 2024 წლის აბიტურიენტებს by რჩევები
- რა მოეთხოვება აბიტურიენტს თითოეულ საგანში და როგორ მოწმდება ნამუშევარი – შეფასების ზოგადი კრიტერიუმები 2024 გამოქვეყნდა by სიახლეები მისაღებ გამოცდებზე
- ცნობილია რომელ არჩევით საგანზე რამდენი აბიტურიენტი დარეგისტრირდა – გამოცდები 2024 by სიახლეები მისაღებ გამოცდებზე