51-ე საჯარო სკოლის მოსწავლეებთან სამინისტროს ფსიქოლოგები 24-საათიან რეჟიმში იმუშავებენ

საქართველოს განათლებისა და მეცნიერების სამინისტროს ინფორმაციით, მომხდარი უმძიმესი ფაქტის გამო, საქართველოს განათლებისა და მეცნიერების სამინისტროს ფსიქოლოგები თბილისის 51-ე საჯარო სკოლის მოსწავლეებთან, მათ მშობლებთან, მეურვეებთან თუ კანონიერ წარმომადგენლებთან 24 საათიან რეჟიმში იმუშავებენ.

უწყებისვე ცნობით, მათთან დასაკავშირებლად ფუნქციონირებს სამინისტროს ნომერი 2 200220 (შიდა 30-25) და ასევე, საგანგებოდ უქმე დღეებისთვის, ამუშავდა 24 საათიანი ფსიქო-კონსულტაციისთვის განკუთვნილი ტელეფონის ნომერი 577994181.

შეგახსენებთ, რომ მე–11 კლასელ მოზარდებს შორის მომხდარი დაპირისპირება ხორავას ქუჩაზე ტრაგედიით დასრულდა. 51–ე საჯარო სკოლის ერთი მოსწავლე საავადმყოფოში მიყვანამდე გარდაიცვალა. კიდევ ერთი დაჭრილის გადასარჩენად კი რესპუბლიკური საავადმყოფოს ექიმები ამ დრომდე იბრძვიან.

ამავე თემაზე:

დაჭრილი სკოლის მოსწავლე საავადმყოფოში მიყვანამდე გარდაიცვალა

განათლების მინისტრი, მიხეილ ჩხენკელი, მომხდარ ტრაგედიას ეხმაურება

„ვიდეოკადრებიდან ჩანს, რომ სასწავლო პროცესი მოსწავლეებმა მშვიდად დატოვეს“ – ლია გიგაური