აბიტურიენტთა ისტორიის გამოცდის დამატებითი სესიის თარიღი დადგინდა – გამოცდები 2021
2021 წლის ერთიანი ეროვნული გამოცდების ძირითადი სესიები აბიტურიენტებისთვის დასრულდა. დღეიდან კი, გამოცდებს ის აბიტურიენტები ჩააბარებენ, რომლებიც საგამოცდო პროცესს კორონავირუსის გამო გამოეთიშნენ.
დამატებითი სესიები უკვე ჩანიშნულია ქართულში, მათემატიკასა და უცხოურ ენაში.
გამოცდების ეროვნული ცენტრის მიერ 21 ივლისს გავრცელებული ინფორმაციის მიხედვით კი, დამატებითი გამოცდა ისტორიაში 27 ივლისს, ერთ სესიად ჩატარდება. გამოცდისთვის რეგისტრაცია 14:00 საათზე, გამოცდა კი 15:00 საათზე დაიწყება.
„იმ აბიტურიენტებისათვის, რომლებმაც ვერ მოახერხეს გამოცდაზე დასწრება COVID-19-ის ინფექციის დადასტურების გამო, განისაზღვრა დამატებით ერთი საგამოცდო სესია ისტორიაში 2021 წლის 27 ივლისს“, – ვკითხულობთ “ნაეკის” მიერ გავრცელებულ ინფორმაციაში.
ისტორიის გამოცდის დამატებით სესიას სულ 90 აბიტურიენტი ჩააბარებს.
გამოსაცდელთა სია მათი საიდენტიფიკაციო ნომრით და დეტალური ინფორმაცია გამოცდის ჩატარების შესახებ
- როგორ უნდა იმუშაოს აბიტურიენტმა პასუხების ფურცელზე – NAEC-ის რჩევები უცხოური ენის გამოცდისთვის by რჩევები
- რა მოეთხოვება აბიტურიენტს თითოეულ საგანში და როგორ მოწმდება ნამუშევარი – შეფასების ზოგადი კრიტერიუმები 2024 გამოქვეყნდა by სიახლეები მისაღებ გამოცდებზე
- ცნობილია რომელ არჩევით საგანზე რამდენი აბიტურიენტი დარეგისტრირდა – გამოცდები 2024 by სიახლეები მისაღებ გამოცდებზე