ალტე უნივერსიტეტი 2025 NASA International Space Apps Challenge – ის ადგილობრივი მასპინძელი და ორგანიზატორია

2025 NASA International Space Apps Challenge – მსოფლიოში ყველაზე დიდი გლობალური ჰაკათონის ადგილობრივი მასპინძელი და ორგანიზატორი ქალაქ ზუგდიდში წელს ალტე უნივერსიტეტი იქნება!

პროექტი ახალგაზრდებს სთავაზობს პლატფორმას, სადაც მათ ექნებათ შესაძლებლობა, NASA-ს ღია მონაცემებზე დაყრდნობით, იმუშაონ რეალურ პრობლემებსა და გამოწვევებზე.

ალტე უნივერსიტეტი პროექტის ორგანიზატორობით ხელს შეუწყობს STEM და კოსმოსთან დაკავშირებული ინოვაციების წახალისებას და რაც მთავარია, გააძლიერებს საქართველოს პოზიციას გლობალურ ინოვაციურ ქსელში.

NASA International Space Apps Challenge არის ყოველწლიური ინოვაციური ჰაკათონი, რომელიც აერთიანებს დეველოპერებს, მეცნიერებს, დიზაინერებს, მეწარმეებსა და შემოქმედებით ადამიანებს, რათა იმუშაონ კოსმოსთან, გარემოს დაცვასთან და თანამედროვე ტექნოლოგიებთან დაკავშირებულ აქტუალურ თემებზე.

წლევანდელი ჰაკათონი 4-5 ოქტომბერს, საქართველოს რამდენიმე ქალაქში ჩატარდება. ქალაქ ზუგდიდში პროექტის ორგანიზებას ალტე უნივერსიტეტი უხელმძღვანელებს.

მონაწილეობის მსურველთათვის რეგისტრაცია ჩვენს სოციალურ არხებში მალე გამოცხადდება!

უნივერსიტეტის სხვა ამბები