ალტე უნივერსიტეტი კვლევის შეფასების განვითარების კოალიციის (CoARA) წევრი გახდა

ალტე უნივერსიტეტი კვლევის შეფასების განვითარების კოალიციის (CoARA) წევრი გახდა და ხელი მოაწერა კვლევების შეფასების რეფორმის შესახებ შეთანხმებას.

CoARA-ს გლობალური ქსელი 700-ზე მეტ ორგანიზაციას აერთიანებს და ხელს უწყობს საერთო პროგრესს, მდგრადი და ინოვაციური კვლევითი ეკოსისტემის განვითარებას.

კოალიციის მიზანია კვლევების, მკვლევრებისა და კვლევითი ორგანიზაციების შეფასების სისტემების რეფორმა, რაც ხელს შეუწყობს კვლევის ხარისხის გაუმჯობესებას. აღნიშნული რეფორმა ითვალისწინებს შეფასების პროცესში მრავალფეროვანი შედეგების, პრაქტიკებისა და აქტივობების აღიარებას.

CoARA-ს წევრობა ალტე უნივერსიტეტს მისცემს შესაძლებლობას, გახდეს გლობალური ქსელის ნაწილი, გააძლიეროს კავშირები მსოფლიოს წამყვან აკადემიურ თუ კვლევით ინსტიტუტებთან და გაიზიაროს მათი საუკეთესო პრაქტიკები

უნივერსიტეტის სხვა ამბები